祖兒唔係唔知啲歌迷有幾鍾意你嘛！
樂壇天后容祖兒的《MY SECRET LIVE》演唱會進入第七場 ，是夜捧場的圈中好友絡繹不絕，包括李克勤、黃偉文，王祖藍，王菀之、鄭欣宜、許廷鏗、藍奕邦及周國賢等等。祖兒亦愈唱愈開心。
大會每天也設有點唱環節，觀眾入場前可以於場外指定地點填寫望祖兒唱的心水歌曲，「安歌」環節由祖兒親自抽籤，而第七場「安歌」再「安歌」後，祖兒叫大家：「你畀個好理由我，如果個理由我覺得合理，我鍾意，我就再唱！」觀眾不停大叫：「好X你！」「你好靚！」、「愛死你！」等等，但最終祖兒笑着說：「我知我靚，好X我呢個唔係理由啦，唔X我都唔會入場啦，哈哈哈，唔收貨。」，最後第一行忽然有一個女觀眾大叫「我買黃牛（飛）入嚟㗎！張飛成五千蚊，求你唱多首啦。」祖兒聞言之後O晒嘴，她問：「吓？5000蚊！吓？可以去東京啦，你做咩咁傻？」觀眾答：「冇計啦，愛你。」結果祖兒馬上再安歌一首：「哎也，咁我點都要唱多首送畀你，下次唔好啦，咁貴唔好買呀！」
此外，點歌環節時，不少歌迷希望祖兒可以唱《下次坐飛機》，然後大班男歌迷就一同場內大叫「飛機飛機飛機」搞到場內觀眾及祖兒都狂笑不止，繼而祖兒更說：「男仔之家講呢啲，哈哈哈。」
不經不覺，十六場演唱會，祖兒已經唱了近一半，之後她於IG上自拍公佈，4月5號加開了一場「特別場」為容祖兒慈善基金籌款，這場收益扣除開支之後，會全數撥捐容祖兒善慈基金，祖兒更會把她舞台上心愛的鬱金香花海拿出來做善事，由5號晚開始，於場外會有鬱金香花束義賣活動，祖兒說：「喺我個花園摘出嚟㗎！如果大家鍾意，就一齊共襄善舉，買返屋企留念啦。」
來源 source: http://hk.on.cc
|
鍾意就快D Share啦！
|
|
|
