吳若希個肚就愈嚟愈大啦～但都搵老闆何哲圖吹水係咪傾緊啲復出大計呢？
星夢娛樂呢排發生嘅事真係有啲多，就好似上年鍾嘉欣閃婚之後仲生埋B、到吳若希又突然佗B、到最近上緊位嘅何雁詩同鄭俊弘爆出戀情同埋「星夢一哥」許廷鏗要離巢。呢幾樣嘢都應該會令星夢老闆何哲圖幾頭痛，仲有指佢喺街個樣愁到爆咁吞雲吐霧。咁呢次吳若希就出嚟解畫喇，佢就喺Facebook Post咗張同佢何哲圖嘅合照仲留言：「係我衰～係我嗰日返公司探老闆～又同老闆食咗個好豐盛嘅Tea，呃吹水吹到7點幾，搞到老闆遲收工截唔到的士，就畀人話佢憔悴煲煙！」呢次擺明撐老闆唔係憔悴同唔係愁，只係食大餐同吹水吹到過晒時咁話！唔知吹咁耐係咪講吳若希生完B之後嘅復出大計呢？不過點都好，無論愁唔愁都唔好食煙喇，好傷身㗎！
來源 source: http://hk.on.cc
|
鍾意就快D Share啦！
|
|
|