2017年4月18日 星期二

【可能喺隔籬】韋家雄港鐵英雄救美 Selina車廂送驚喜 __,港鐵,任家萱,Selina,

鄧兆尊雖然係伶王之後,身家隨時逾億,不過佢生活其實好貼地,好多時見佢同三個女友出街,都係同普通市民一樣,搭電車逼港鐵。其實喺港鐵車廂入面,隨時都可能撞 ...


鄧兆尊雖然係伶王之後,身家隨時逾億,不過佢生活其實好貼地,好多時見佢同三個女友出街,都係同普通市民一樣,搭電車逼港鐵。其實喺港鐵車廂入面,隨時都可能撞到幾粒星。講到港鐵,就要講下正義英雄韋家雄,今年初有人將一段韋家雄路見不平嘅片段放上facebook群組,見佢指住個中年大叔嚟鬧,原來呢位大叔喺港鐵車廂涉嫌偷拍一名女子,韋家雄上前同大叔理論,韋家雄其後受訪仲話唔係第一次幫人,呢啲咪俠義心腸囉。平時會搭港鐵嘅仲有「藍莓」劉俐,以前劉俐同過太陽娛樂公司老闆「洗米華」周焯華、前港姐王愛倫囝囝林建億及林峯呢幾位非富則貴嘅男士傳緋聞,不過今年初就有人見到佢着住條紅噹噹短裙喺港鐵蹺實一位西裝男,佢都直認呢個男仔係男朋友,拍拖一年幾,對方係普通打工仔。除咗呢啲常見臉孔,仲可能遇到好耐冇見嘅藝人,上個月就有讀者見到94年港姐季軍李綺虹。佢同外籍老公Corey結婚之後喺加拿大定居,早前難得返港,兩個人就喺黃埔站上車。平時有人話,放低手機唔好做低頭族,但原來搭港鐵睇片可能有意外收穫。台灣藝人任家萱 (Selina)喺2月底搭捷運時留意到一位女士睇緊佢以前嘅片段,一臉歡心嘅Selina仲上前俾咗個驚喜對方,細細話:「我是Selina。」嚇到個女仔驚喜掩面,定咗驚先識要求合照。

韋家雄挺身出嚟同一位涉嫌偷拍嘅中年大叔理論。(互聯網圖片) (互聯網圖片)
劉俐形容男友只係普通打工仔,平時就同男友一齊坐港鐵。(資料圖片) (資料圖片) 李綺虹早前返咗香港,同老公以港鐵代步。(資料圖片)
Selina話喺捷運見到有人睇緊佢啲舊作,好開心。(互聯網圖片) 俾咗個驚喜呢位fans,同埋上前合照。(互聯網圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...