2017年4月20日 星期四

司馬燕老公 Togi 孖女友開公司 [壹週刊 - 1415] __,司馬燕,司馬燕夫,Togi,M1,

歎酒4月7日(星期五)黃昏,吳忠義與女友Beth山長水遠到大埔科學園享受日落,拍拖一年女友愛得坦蕩蕩,不介意同男友share睇電話。娛樂偵訊司馬燕老公 ...


歎酒

4月 7日(星期五)黃昏,吳忠義與女友 Beth山長水遠到大埔科學園享受日落,拍拖一年女友愛得坦蕩蕩,不介意同男友 share睇電話。

娛樂偵訊

司馬燕老公 Togi 孖女友開公司

司馬燕前年一月離世,老公吳忠義( Togi)同年十一月爆出跟國產女 Summer風波,吳忠義隨即發聲明澄清二人拍拖僅四個月,並於前年九月已經分手,至去年一月,吳忠義公開承認同正分居的兩女之母 Beth拍拖。

跟新女友一起年多, Togi與她愛得痴纏,經常到外地旅行,近日更由情侶變生意拍檔,合資開 co-working space(共用工作空間) office,齊齊搵銀。

拍拖睇日落

亡妻司馬燕逝世兩年多,一直在香港生活的吳忠義,亦大方帶住女友 Beth Chim周圍去,及出席朋友飯局。四月七日黃昏,本刊拍到二人在大埔科學園一間餐廳歎紅酒睇日落,食住雪茄的 Togi跟女友並排而坐, Beth全程小鳥依人挨實男友,熱情的她一杯酒落肚,即肉緊捽男友耳仔。 Togi開心受落,不時輕摸女友的頭。

「 Togi好識得享受,佢同 Beth都鍾意旅行,會周圍飛去第二度搵好嘢食,早排兩個人先去完越南,之前又去過美國同歐洲,總之好多時候都唔喺香港。咪以為佢哋淨係顧住玩,其實兩個人都有做嘢搵錢,近排就孖住開咗間 co-working space office,一齊做生意。」身邊人透露。

摸頭

吳忠義好溫柔,不時輕摸女友個頭。

抹嘴

兩啖到肚, Beth先採取主動,兩度捽男友耳仔,捽到吳忠義㷫烚烚。

捽耳

吳忠義與 Beth選擇海旁餐廳飲紅酒、歎雪茄。

四人一齊慶祝

在 Togi面前是小女人, Beth其實是女強人,她任職全球最大職業社交網站的亞太區地區客戶經理,近日跟男友開多一瓣合作搞生意,絕對有能力應付。

司馬燕離世後,兩個仔離開香港到加拿大升學,今年 19歲的大仔 Ian已經是大學生,細仔 Brian在 St.Michaels University School讀大學預備班,兩兄弟都俾心機讀書。

「 Togi會喺學校長假期飛去嗰邊陪佢哋,三父子又會約去滑雪,事關佢哋以前都好鍾意去加拿大,因為 Michelle(司馬燕)有屋企人喺嗰邊,加上嗰邊又有屋,所以好多時會一家去度假。依家 Ian同 Brian唔喺香港生活,但好錫爹哋,上年七月 Togi生日,兩個特登飛返香港同佢慶祝,當時 Beth都有去 party,四個人仲一齊影合照, Beth同兩個小朋友有傾有講,已經開始熟落。」知情者說。

據知近日吳忠義與 Beth合資開外國好流行的 co-working space(共用工作空間) office,由拖友變工作拍檔。

去年 1月吳忠義與 Beth打得火熱,在銅鑼灣皇冠酒店 happy hour時忘我啜爆,致關係曝光。

司馬燕未離世前,一家四口曾經好幸福。

媽媽離世後,兩子更錫爸爸,去年七月吳忠義生日,兩子專程從加國返港跟爸爸慶生,並跟爸爸女友 Beth合照。

前年 11月爆出吳忠義同國產女 Summer拍拖,女方更公開二人親密合照。

今年 1月 10日是司馬燕離世兩周年,大仔 Ian將跟亡母合照放 ig,並表示對她十分思念。

二人好鍾意旅行,日前才去過越南峴港,去年八月又同遊歐洲,真識歎。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...