2017年4月18日 星期二

鍾嘉欣婚後變TVBuddy 吸金勁Easy! __,嘉欣,李嘉欣,TVB,鍾嘉欣,

鍾嘉欣吸金力極強!成日話某某同某某係無綫嘅親生仔女,其實真正嘅親生女,一定係非鍾嘉欣莫屬,仲係百分之一百嘅TVBuddy!鍾嘉欣已經同身邊人講定,今年 ...


鍾嘉欣吸金力極強!

成日話某某同某某係無綫嘅親生仔女,其實真正嘅親生女,一定係非鍾嘉欣莫屬,仲係百分之一百嘅TVBuddy!鍾嘉欣已經同身邊人講定,今年隨時又生多個!嘩!舊年八月先至生咗個女Kelly,一歲都未夠喎!生開有條路,有仔真係趁嫩生!啱啱34歲生日嘅佢,舊年結婚時都講過,話老公Jeremy想生四個!唔想做高齡產婦,梗係要密密開工

乜都唔憂 最驚屋企雪櫃壞

依家個個生一個起兩個止,話養一個細路至少都要使四百萬,但早排令網友食晒花生嘅東網節目《港‧故》專訪一對八十後父母月入三萬都照生五個,每個月仲有錢剩,有辦你睇,錢係睇你點使!更何況依家喺加拿大頻頻返嚟吸金嘅鍾嘉欣? 如果佢唔係TVBuddy有後台,你估佢仲可以吸金吸得咁過癮?

所謂朝中有人好辦事,鍾嘉欣老公Jeremy係TVB前行政主席梁乃鵬嘅姪仔,雖然梁乃鵬已經退任,但冇影響力就假嘅!本來仲有合約嘅鍾嘉欣,就係因為自己人嘅關係,玩雙喜臨門結婚又生女? No problem!份合約咪照擺喺度囉,唔使雪藏唔使封殺唔使加辣招,天昏地暗咁拍劇都唔使,反而幫你不斷接job!品牌活動唔high唔接,鍾嘉欣每次返嚟扮到靚靚影吓相做吓訪問至少執廿萬,的確「easy執」!Jet lag眼瞓?留番上機先瞓包埋佢來回坐business㗎,唔會瞓唔着啩?咁筍,吸金仲舒服過餵奶,發夢都識笑最令鍾嘉欣顧慮嘅,就係確保屋企個雪櫃唔好壞。每次返港佢都會為個女儲糧泵定超過廿包人奶,有時仲擔心「斷糧」唔夠食,開完工即刻上機飛返加拿大。上次佢咪嬲豬囉,因為個雪櫃壞咗,三十幾包人奶咁就bye bye !又要開工又要湊女,仲可以收埋身,嘉欣話佢依家嘅體重,係比做女時重咗一磅咋!

今時今日唔恨做視后

享盡尊貴待遇、完全配合晒湊女schedule嘅鍾嘉欣,真係巴閉過未婚之前,唔怪得佢話從來冇諗過退出相比起結婚前,捱到牙血都出埋,仲幾乎搞到有抑鬱症,代表作係有一大堆包括《溏心風暴》、《隨時候命》、《點解阿Sir係阿Sir》等等。一早已經升格為一線花旦,百分百係民選視后,更加係萬千宅男心目中嘅BB!就係因為嘉欣BB只係識得捱到金睛火眼,入行十幾年慳埋慳埋,慳咗幾層樓返嚟,夠乖夠聽話,唔識詐型爭上位,咪眼白白咁睇住個個輪住做視后,都未輪到佢囉!今時今日,視后呢個光環,只係令鍾嘉欣錦上添花,真係可有可無。

講到呢度,你會好自然咁話,如果A餐係視后,B餐係TVBuddy,識揀嘅梗係揀B餐!我Nuts哥話你知:乜餐都唔揀!識揀,梗係揀個好老公,尤其係一個有後台嘅老公!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...