掃呢頁CODE去手機

2017年4月3日 星期一

政Whats噏:政Whats噏:游蕙禎旗袍look 被鬧自相矛盾 __,游蕙禎,

游蕙禎近日與友人一同拍攝旗袍照(左圖左一),引起網民討論。右為她於農曆新年時曾以一身華服現身自嘲「油雞」拜年。(互聯網)青年新政游蕙禎因宣誓辱華而被法 ...


游蕙禎近日與友人一同拍攝旗袍照(左圖左一),引起網民討論。右為她於農曆新年時曾以一身華服現身自嘲「油雞」拜年。(互聯網)

青年新政游蕙禎因宣誓辱華而被法庭取消立法會議員資格之後,久未露面。近日網上流傳一張游蕙禎同友人一同拍攝嘅旗袍照,隨即就引起網民激烈討論,更有人大鬧游蕙禎一面支持港獨、話要擺脫華夏文化,但又身穿旗袍拍照,係自相矛盾。游蕙禎接受查詢時就解釋,旗袍係香港舊有服飾,叫大家唔好太敏感。

今日(2日)有網民就貼出一張游蕙禎同友人一同拍攝嘅旗袍照,身穿黃白色旗袍嘅游蕙禎如同模特兒擺出姿態,而游蕙禎招牌嘅啡金色頭髮亦染成黑色。有網民就留言問游蕙禎係唔係轉行做模特兒;亦有人質疑游蕙禎話要擺脫華夏文化,但又身穿旗袍拍照有矛盾;更加有人對佢嘅身材大肆批評。

游蕙禎接受查詢時就話,相片係近日同友人一齊影,影完朋友就Post咗上facebook,都唔介意畀大家見到;佢又話唔係改玩中國風,旗袍係舊香港服飾,叫大家唔好太敏感。其實游蕙禎都唔係第一次着唔同嘅服飾,好似佢農曆新年時就曾經以一身華服現身,自嘲係「油雞」同市民拜年,睇嚟游蕙禎每隔一段時間就會有唔同Cosplay(角色扮演)裝扮示人,所以都唔使少見多怪。

※更多政經猛料、秘聞,請關注政Whats噏fb:

https://goo.gl/ndFQNz


來源 source: http://hk.on.cc
鍾意就快D Share啦!