2017年4月16日 星期日

【中國人嘅比賽】林憶蓮《歌手》大熱奪冠 迪瑪希跪地X叫都輸 __,憶蓮,林憶蓮,

噚晚《歌手2017》終於舉行咗總決賽,由開賽前借張敬軒製造話題,到教唱歌嘅杜麗莎都喺早段被foul出局,嗰節目係點……大家心照。決賽總共8位歌手,其實 ...


噚晚《歌手2017》終於舉行咗總決賽,由開賽前借張敬軒製造話題,到教唱歌嘅杜麗莎都喺早段被foul出局,嗰節目係點……大家心照。決賽總共8位歌手,其實焦點就只係得兩位:哈薩克籍歌手迪瑪希同香港天后林憶蓮,最終都係由佢哋壓軸出場。嗱,先講迪瑪希,佢嘅嘅學習能力真係好高,雖然只係參加咗一季,已經熟悉晒喺大陸比賽嘅技巧,決賽唱咗四首Michael Jackson串燒歌,除咗X叫歌技,仲有跪地chok樣、無啦啦走去打鼓,又搵咗兒童合唱團出嚟唱和音,可以話用盡舞台,綜合得票率只係得18.47%。但唔係屬於你嘅始終唔係你,林憶蓮決賽邀請咗台灣天后張惠妹合唱《也許明天》,兩個平靜對唱,憶蓮甚至有時俾張惠妹歌聲蓋過,都可以有22.74%綜合得票率,壓倒性贏咗迪瑪希。其實憶蓮係《歌手2017》季前嘅宣傳片,話過「我不喜歡光環」(新聞連結: http://bit.ly/2iTsWZy ),最終呢個光環,都係落咗喺佢身上,得獎後佢喺台上感言:「我真的要感謝每一位觀眾、歌手,他們是那麼給我很多靈感。」呢集比賽仲有一個笑位,話說蕭敬騰 嘅獅子合唱團搵咗徐佳瑩同吳建豪幫唱,原本同徐佳瑩合唱時好地地,不過中間吳建豪突然走出嚟,企到最前rap,又揈手揈腳咁喪跳喪「up」,搶咗焦點之餘,仲破壞咗成個氣氛。

林憶蓮喺決賽邀請張惠妹幫唱。(電視圖片) (電視圖片)
迪瑪希用盡舞台,跪地、合唱團、X叫,咩都出齊。(電視圖片) (電視圖片) 公佈賽果前,攝影師已經好識攞位,將個獎同憶蓮攝入鏡。(電視圖片)
最終,梗係由大熱嘅憶蓮贏啦。(電視圖片) 一早被foul嘅杜麗莎,以嘉賓身份返嚟表演。(電視圖片) 呢個要睇番,明明係獅子合唱團比賽,但幫唱嘉賓唔建豪反而更搶鏡。(電視圖片)
(電視圖片) (電視圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...