掃呢頁CODE去手機

2017年5月25日 星期四

大叔易發圍 𢱑掂樂易玲 莫少聰 10月返 TVB搏翻身 [壹週刊 - 1420] __,莫少聰,TVB,樂易玲,M1,

娛樂偵訊大叔易發圍 𢱑掂樂易玲 莫少聰10月返TVB搏翻身在香港銷聲匿跡一段時間的莫少聰,11年因在北京吸食大麻被捕,遭內地封殺致事業插水,去年才開始 ...


娛樂偵訊

大叔易發圍 𢱑掂樂易玲 莫少聰 10月返 TVB搏翻身

在香港銷聲匿跡一段時間的莫少聰, 11年因在北京吸食大麻被捕,遭內地封殺致事業插水,去年才開始解封,近日莫少聰在北京有份演出成龍任監製的《我是成龍》音樂劇,原來莫少聰還密謀回流香港搏翻身,更成功𢱑掂識咗三十多年的無綫助理總經理樂易玲, 10月回歸 TVB拍劇,更唔介意做奸角。

同樂大媽有交情

近年大台不停向舊人招手,好似羅嘉良、宣萱、陳松伶及張衞健等都先後回巢,原來,五十六歲的莫少聰,半年前亦主動接觸樂易玲斟返無綫拍劇。

「話晒以前喺香港都紅過,莫少聰好想返嚟拍戲,佢同樂小姐識咗三十幾年,八○年佢參加麗的電視舉行嘅《慧眼識新星》節目,入圍之後簽咗約做藝員,嗰時樂小姐就喺麗的做劇集編導,之後阿聰轉拍電影,樂小姐亦轉咗做電影製作人,佢兩個好早就有交情!」知情者說。

由於大台正缺人,加上近排興起一些大叔有資歷演員熱潮,好似吳岱融及袁文杰等,都可以成功突圍,加上莫少聰只求有好角色,演奸角亦唔介意,大台當然歡迎。

「雖然已經五十六歲,但阿聰外形仲 keep得唔錯,而且資深演員喺無綫買少見少,樂小姐好睇好阿聰,阿聰亦講明做忠做奸都唔緊要,最重要係角色有得發揮,佢都好想好似吳岱融咁,做到一個好似高天鷲咁搶嘅奸角!」莫少聰友人說。

莫少聰同樂易玲早在當年麗的電視結緣!

去年同 28歲嫩妻孫雲玲離婚,莫少聰獨力撫養 5歲大女兒莫芷嫣。

吸毒被禁

一一年因在北京吸食大麻,在朝陽區寓所被捕,莫少聰被列入封殺黑名單,好多工作都不獲批文,被迫唱夜場搵生計,一度更去雲南種茶葉,直至去年才逐漸被解封。去年底,莫少聰事業亦有新轉機,獲成龍邀請,演出他的自傳式音樂劇《我是成龍》,除了在北京首演,音樂劇會在內地巡演。

據知,被封殺後,好多製作人都唔敢用莫少聰,但成龍竟主動找他做其自傳式音樂劇,劇中莫少聰更飾演成龍一角,曾經犯下「天下男人的錯」的成龍,認為做錯事只要肯去改,係唔會無機會嘅,所以他好落力幫莫少聰翻身。

11年,莫少聰因吸食大麻,在北京朝陽區寓所被捕。

被封殺不獲批文,莫少聰被迫去雲南種茶葉!

88年,莫少聰憑電影《中國最後一個太監》走紅。

同洪欣撻着, 99年二人合拍內地電視劇《龍本多情》。

成龍監製的《我是成龍》音樂劇找莫少聰做男主角。

獨力養女

事業插水,莫少聰連同嫩妻婚姻亦保唔住,去年太太孫雲玲提出離婚,更放棄五歲女兒的撫養權。

「自從阿聰事業低潮收入唔多,同太太就成日嗌交,舊年決定離婚,二十八歲嘅孫雲玲因為嫌個女黐身,撫養權都唔要!而家個女係嫲嫲幫手湊,但只要唔使工作,阿聰就會陪個女,佢好錫個女,前排阿女參加溜冰賽,阿聰好緊張,成日陪個女練習,佢希望返香港發展順利,就會帶埋個女嚟香港住!」莫少聰身邊人說。

洪欣與莫少聰, 97年因拍《亡命天涯》撻着。

兒子莫鎬濂一直跟洪欣同住,和繼父張丹峰及妹妹相處融洽。

吸毒被封殺後,莫少聰被拍到在北京無工開一個人踩單車!

移居北京的莫少聰,與同樣出身亞視的何家勁、林偉辰仍有聯絡。

去年 10月,莫少聰忽然在微博放上 2000年,自己和媽媽抱住剛出世兒子鎬濂的相,指責洪欣,並留言「求放過」。

同洪欣網上開火

洪欣粉幫偶像在微博鬧爆莫少聰。

莫少聰 97年同洪欣撻着, 2000年洪欣未婚懷孕,莫少聰安排女方到加拿大待產,兒子莫鎬濂出世後,二人正式分手,莫鎬濂一直與洪欣生活,莫少聰少有提及兒子,直至 08年,才承認是兒子親父,洪欣 09年與小她 11年的內地演員張丹峰結婚,莫鎬濂改名張浩鋒。

16年,莫少聰不忿遭洪欣粉絲長年攻擊, 10月在微博 po出當年在加拿大,抱住出世兩天的兒子照片,留言道:「請你捫心自問,當年的事,真的錯的都在我嗎?我沉默不代表我不敢說!」之後再遭洪欣粉絲鬧爆,洪欣亦在網上反駁還擊:「莫先生,說實話我沒有留意你的新聞,怎樣可能找水軍去攻擊一個我已經遺忘了的人呢?""」二人分手 16年依然勢成水火!

中佬搶灘

唔通真係「男人愈老愈有魅力」,近年 TVB就有唔少過 40歲大叔成功出位。

吳岱融

57歲吳岱融, 88年演《絕代雙驕》走紅,之後做過唔少劇集男一, 05年過檔亞視後,事業開始下滑,直至 15年再返無綫拍劇,成功憑《巨輪 II》高天鷲一角跑出。

張兆輝

54歲張兆輝,近期在《全職沒女》擔正,唔少人大讚佢仲後生過以前, keep到身形就連皺紋都唔多條,比女主角陳松伶更搶!

袁文傑

在《不懂撒嬌的女人》演霸氣老細, 45歲的袁文傑,身形高大兼健碩,不時游水晒肌搶鏡。

林文龍

49歲林文龍, 08年做完《法證先鋒 II》後離巢,過檔香港電視拍劇反應一般,直至近日在《不懂撒嬌的女人》演 Gordon變身型佬。

撰文、攝影、攝錄:娛樂組


鍾意就快D Share啦!