2017年5月21日 星期日

【獨家】「木偶哥」背正印帶木偶妹食糖水? 歐陽巧瑩:我100%信任佢 __,木偶哥,歐陽巧瑩,林師傑,

「木偶哥」林師傑同女友歐陽巧瑩(Tammy)打得火熱,擁34C咪神身材嘅Tammy,早排仲話想計劃向男友主動求婚,身在福中嘅木偶哥,日前孖女友拍拖到西 ...


「木偶哥」林師傑同女友歐陽巧瑩(Tammy)打得火熱,擁34C咪神身材嘅Tammy,早排仲話想計劃向男友主動求婚,身在福中嘅木偶哥,日前孖女友拍拖到西貢買宵夜,就被讀者亨頭透過「爆相爆片」分享,然而,亨頭接受《蘋果》電話訪問時,爆料話先後兩次撞到木偶哥拖女出沒西貢,但兩次都唔同女喎!亨頭喺電話表示:「嗰晚大約12點半,喺西貢巴士總站對出嘅小食街,見到木偶哥同女友買宵夜,佢哋買咗腸粉、燒賣、泰國菜,仲同老闆娘好好傾。」問到買嘢食邊個畀錢?亨頭話:「我見到係女仔畀錢,之後佢將銀包交畀木偶哥,男仔仲負責攞嘢,當時落緊雨,佢哋冇帶遮,由木偶哥駕車走。」從相片所見,陪喺女友身邊嘅木偶哥,等候其間不時伸吓懶腰,個樣似乎好攰,而Tammy喺銀包攞張五百蚊紙畀錢,款式似係男裝銀包,睇嚟木偶哥將自己嘅財政大權,一早交咗喺女友手上。不過,亨頭跟住嚟料爆大鑊,話早於半個月前喺同一地點,見過木偶哥拖住女仔出現,但並唔係正印女友Tammy,而係「木偶妹」--譚嘉儀,亨頭言之鑿鑿話:「上次佢哋兩個都戴帽,避避忌忌,又係嚟西貢呢度買嘢食,當晚係夜晚11點幾。」問到會唔會認錯人?亨頭話:「一定係譚嘉儀,不過上次太近,佢哋望住我,所以冇影到相。」林師傑同譚嘉儀喺大台處境劇《愛‧回家》扮「木偶哥」同「木偶妹」,又曾一齊主持《勁歌金曲》節目,唔通木偶哥咁大膽背女友出軌?佢回覆傳媒否認不忠:「Tammy嚟㗎喔,我冇踏兩船啊。」而Tammy接受訪問亦挺身力撐男友,為木偶哥討回清白:「呢件事,我係絕對100%好信任佢!」Tammy更講笑自嘲:「係我唔好,因為平時如果我哋11點幾喺西貢附近食宵夜嘅話,我係唔會有化妝,笠晒帽,所以佢(讀者)認為嗰個係第二個女仔,可能我第二日出街,盡可能屹高啲個頭,畀人見到呢個係我嚟嘅,或者化啲妝,再唔係就打塊金牌掛喺心口,寫住:『我係歐陽巧瑩』咁囉,哈哈!」最後Tammy仲大讚男友:「佢好乖㗎,日日都send晒自己嘅行蹤畀我,話畀我知佢做緊乜嘢,所以我100%信任佢,佢好乖仔㗎。」

讀者見到木偶哥同女友買宵夜(讀者亨頭提供圖片) (讀者亨頭提供圖片)
夜晚食糖水係咪特別甜(讀者亨頭提供圖片) (讀者亨頭提供圖片) (讀者亨頭提供圖片)
(讀者亨頭提供圖片) 木偶妹(譚嘉儀IG圖片) (譚嘉儀IG圖片)
(譚嘉儀IG圖片) (譚嘉儀IG圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...