掃呢頁CODE去手機

2017年5月12日 星期五

【再見亦是朋友】與曾航生相隔12年再合體 何婉盈完全冇走樣 __,何婉盈,曾航生,

喺92年憑《再見亦是朋友》而Hit爆全城嘅曾航生、何婉盈,事隔多年竟然可以再度合體,噚晚仲喺將軍澳錄影節目《流行經典50年》。除咗呢pair,酒杯敲你 ...


喺92年憑《再見亦是朋友》而Hit爆全城嘅曾航生、何婉盈,事隔多年竟然可以再度合體,噚晚仲喺將軍澳錄影節目《流行經典50年》。除咗呢pair,酒杯敲你個頭嘅黃寶欣同鄭敬基亦有re-U,就連亞視嘅「唔該你啦張立基」都有嚟。同場仲有蔡楓華添。呢對舊拍檔話喺對上一次合唱已經係12年前嘅事,何婉盈話:「佢(曾航生)真係keep得好好,咁耐冇見,我見到佢真係好驚,仲瘦過以前,好似食咗防腐劑,真係好誇張!」搞到喺側邊嘅曾航生唔知點講,唯有笑笑口話:「哈哈,最緊要係心境開朗,開心就可以!」囡囡已經十歲,何婉盈坦言今次係囡囡而再唱歌:「我做咗股票買賣已6年,佢一直都唔知我以前係做歌手,我都係啱啱先話佢知,所以我希望經過今次,佢可以了解我多啲。」不過講到會唔會重出江湖‧?佢話:「冇呢個打算喎!不過可能會練吓歌,聽講呢首歌喺大陸仲好受歡迎,睇吓有冇機會同曾航生一齊登台!」發福咗好多嘅蔡楓華亦都有現身,佢話今次喺電視唱歌,心情仲緊張過喺紅館開騷:「我唔想表演失準,雖然我唱咗30年,但係我覺得自己仲有進步空間。」

其實唔止曾航生,何婉盈個樣都冇乜點變! 舊拍檔見面,點都要自拍!
做得奸人多,曾航生依家隨便擺個pose都好有鄭子誠feel。 黃寶欣、鄭敬基 同一個pose,換咗成為秋官阿姐都一定冇違和感。
鄭生反V手勢係想表達啲乜嘢? 蔡楓華話錄節目緊張過紅館開騷! 文佩玲

來源 source: http://s.nextmedia.com
鍾意就快D Share啦!