網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年5月11日 星期四

餅印母女 成功需母幹 大女做首飾設計 周美鳳碌卡搵星戴 [壹週刊 - 1418] __,周美鳳,M1,

與女兒蔡欣熹(左)年齡當然相距一大截,但難得的是周美鳳保養得宜,睇落似兩姊妹多啲。名人親子餅印母女 成功需母幹 大女做首飾設計 周美鳳碌卡搵星戴棄演從 ...


與女兒蔡欣熹(左)年齡當然相距一大截,但難得的是周美鳳保養得宜,睇落似兩姊妹多啲。

名人親子

餅印母女 成功需母幹 大女做首飾設計 周美鳳碌卡搵星戴

棄演從商,人稱「周董」的周美鳳是成功人辦,她創辦的公關公司 Frement在行內排名五大。近日 25歲餅印大女蔡欣熹( Florence)亦走創業路開網店,賣自家設計珠寶首飾。

開山劈石路難行,見阿女創業,媽咪人脈成最強後盾,為愛女碌盡名人明星 friend幫手做免費宣傳。不過靠母幹都要有實力, Florence設計的宗教頸鏈具諗頭,獲袁詠儀賞識。創業群星撐, Florence開心到瞓唔着,相信作為母親的周美鳳最欣慰。

做 spa傾心事

周美鳳( Lelia)破格與囡囡 Florence,邊做 spa邊母女 talk。脫下各自 style的打扮,換上浴袍,兩人更如餅印。作為母親,一定在外人面前抬高女兒:「我邊有佢咁靚!」有阿媽送光環, Florence偷笑。

兩母女肉帛相見傾真心話,問 Florence眼中的媽咪,佢咁樣形容:「好強嘅女人囉!好有自己諗法。不過我好少同佢傾偈,因為佢好忙。」周美鳳搶住答:「唔係喎!係佢成日閂埋房門,傾唔到偈喎!」

「佢喺屋企都係咁傾電話。」 Florence借機投訴?媽咪周美鳳不甘示弱:「你冇傾電話咩?」 Florence答:「我喺房睇電視咋!」兩母女互窒開場,亦都係親密交流。

周美鳳兩母女性格迥異,媽咪愛說話,而阿女則相反,但兩母女感情好 close。

去年母親節, Florence親手學整 carrot cake送俾媽咪:「個蛋糕整咗成八、九個鐘㗎!」周美鳳點會唔滾動?「講真,細路仔送乜都 OK,最緊要係心意。」

媽咪盡幫

有個工作狂的媽咪,女兒或多或少會被感染。追夢作是開網店 Florencet Jewelry,賣自家設計珠寶首飾,星級客仔有佘詩曼、袁詠儀、鍾麗緹、琦琦等,夠晒照!說真的,是星級客俾面, Florence也承認全因套着媽咪的光環。「的而且確大部分都係媽咪幫我 line up,但係有一次我真係好開心,我戴住呢條佛像鏈去咗媽咪一個 event,見到袁詠儀,我哋傾偈,佢見到我條鏈就猛話好鍾意,我話送俾佢,佢不知幾開心,佢話好靚。」

父母助女兒一把是人之常情,但周美鳳話會點到即止,畢竟路最後也是要靠自己行。「唔幫就假嘅,不過好多時我都好放手,喺一個過程裡面由零到有,咁先有滿足感,況且做嘢一定有上有落有困難㗎其實我好 proud of佢,能夠做到自己想做嘅嘢,好厲害,我無限支持。老實講,肯做嘢已經得㗎喇,哈哈哈,依家好多後生仔唔肯做嘢。」

買開名牌包包的袁詠儀,對 Florence的佛像頸鏈愛不釋手。

佘詩曼有份幫手做生招牌,仲戴得幾好睇。「佢好鍾意。佢嗰條好特別㗎!會凸顯到鎖骨。」 Florence說。

周美鳳曾是鍾麗緹經理人,兩人感情深厚,更幫 Florence做埋生招牌。

親手造鏈送母

今年母親節, Florence除負責訂枱食飯慶祝又繼續整蛋糕外,她亦親手造了一對母親節系列手鏈送俾媽咪,周美鳳開心咁話:「呢個係咁耐以來最有意思嘅禮物!」

母親節將至, Florence親手造了一對母親節系列手鏈贈母,靈感來自意大利著名景點 Fontana di Trevi許願池,「嗰個池咪好多 coins,俾人扔落去 make a wish㗎嘛,手鏈中間呢個金色圓圈係 18K金嚟,圓圈就好似個 coins咁,上面就寫住『 I love Mommy』;而另一條就俾小朋友戴嘅,寫住『 baby& me』。代表住 even你嘅 BB大個咗成 25歲,喺媽咪心目中仲係小朋友。」呢啲會唔會係周美鳳心聲?

最難忘的母親節,周美鳳說是 Florence八歲那年:「嗰年我靈機一觸,叫佢同細佬扮我,我俾咗佢哋 15分鐘,我 expect佢哋可能會著我件衫或者著我件睡衣。點知細佬就戴咗我嘅浴帽,喺廁所走出嚟,而家姐就剪咗兩塊嘢,貼喺眼下面,扮我敷 eye masks,哈哈哈,真係笑爆嘴。」

餅印母女

周美鳳與女兒 Florence如餅印一樣,圈中也有不少相似度爆燈的母女,蔡卓妍同媽咪就是好例子,似足兩姊妹,分唔清。

蔡卓妍

Sa媽無論樣貌、年齡,睇落都好似食咗防腐劑咁,加上她跟阿女一個餅印,出街絕對似兩姊妹。

邱淑貞

邱淑貞同沈嘉偉的 15歲大女沈月,愈大愈似媽咪,仙氣十足,被封為「最索星二代」。

張栢芝

張栢芝亦遺傳了中英混血兒媽咪 Davis Sally的靚樣,但也不及其同母異父的胞姐戴碧芝,樣貌九成似媽咪。

撰文:娛樂組

攝影、攝錄:王志輝

場地提供: The Spa by Valmont

Make up: Be Kwok

Hair: Kelvin Koo


鍾意就快D Share啦!