掃呢頁CODE去手機

2017年5月18日 星期四

馬明脫毒認愛 全靠黃心穎進擊攻勢打動 [壹週刊 - 1419] __,馬明,黃心穎,心穎,馬國明,M1,

娛樂偵訊馬明脫毒認愛 全靠黃心穎進擊攻勢打動43歲馬國明年初被爆同黃心穎拍拖睇戲兼齊齊撐枱腳,馬明本來死口唔認愛,不過最近馬明轉晒口風,竟然大方表示與 ...


娛樂偵訊

馬明脫毒認愛 全靠黃心穎進擊攻勢打動

43歲馬國明年初被爆同黃心穎拍拖睇戲兼齊齊撐枱腳,馬明本來死口唔認愛,不過最近馬明轉晒口風,竟然大方表示與心穎正了解中,開行 turbo冧女。

令到馬明肯行前一步,要多得新劇《宮心計 2深宮計》,令到他們有不少朝夕相對機會,加上進擊的心穎連番細心攻勢,馬明終於被心穎 BB打動,他們早前在粉嶺為劇集拍外景,二人更毫不避忌打情罵俏,一有空檔馬國明又拉住心穎行埋一邊傾密偈,閃到暈!

買早餐餵飽

馬明苦等契妹唐詩詠無望, dry足多年的他去年終於被熱情如火的黃心穎打動,年初正式撻着,儘管二人例牌否認,但馬明身體卻很誠實繼續同心穎約會,最近又朝夕相對孖住拍劇,而且又唔抗拒情侶檔出席活動,明益心穎 BB有賺外快機會,感情進展迅速。

日前,《深宮計》劇組在粉嶺拍外景,埋位前黃心穎先跟工作人員練習武打動作,怕女友有危險,馬明全程企喺隔籬陪到實,就算現場有不少工作人員,但二人都毫不避忌在人前互打耍花槍,見心穎一得閒,馬明又九[!9F62]九拉開對方行埋一邊傾偈,好寃氣。

「佢哋喺片場成日打情罵俏就係人都 feel到,有次心穎仲專登買早餐俾馬明食,我哋起哄嗌唔公平,馬明即刻含春咁話我哋唔恨得咁多,所以佢哋關係好公開㗎見佢哋真係好多話題,好多時劇組連踩二十個鐘開工人人都攰到爆炸,但如果馬明係同心穎同場就唔同講法囉,佢兩個可以 keep住雞啄唔斷!」一名工作人員說。

43歲馬明年初被爆同黃心穎拍拖,事後馬明大方表示二人正了解中,對戀情開綠燈。

打得火熱的馬明與黃心穎早前孖住現身粉嶺雲泉仙館,為劇集《深宮計》開工。拍戲期間,黃心穎經常扮 cute樣向男友馬明撒嬌。

一有空檔,馬明就拉實黃心穎行埋一邊傾密偈。

黃心穎主動出手幫馬明整理衣服,好鬼貼心。

想搬近黐實

馬明去年以 1,960萬元買入太古城複式單位與家人同住,另一邊廂,進擊的心穎為了要方便同男朋友拍拖見面,早前就在同是港島東區筲箕灣新樓盤「形薈」睇樓,該處同馬明寓所只有五分鐘車程距離,她似乎想搬近啲。

「心穎依家同屋企人住喺油塘『 Ocean One』,其實好近公司返工好方便,不過呢排佢就同我哋講過話想自己搬去港島區,擺明係想同男朋友住得近啲」黃心穎身邊人說。

Roll機前,黃心穎蹲在馬明前面對戲,好投入。

放飯時,二人自己坐埋一角撐枱腳。

二人旁若無人喺工作人員面前互打耍花槍。

早年二人合作拍《為食神探》時,心穎已經對男神馬明表現主動,之後更戲假情真火速撻着。

撰文、攝影、攝錄:娛樂組


鍾意就快D Share啦!