2017年5月25日 星期四

跟錯咗大佬 [壹週刊 - 1420] __,M1,

坦白講跟錯咗大佬近日,一條MMA拳手十秒KO太極師父的片在網上瘋傳,曾經風光的傳統武術竟被彈到一文不值。學習傳統武術十多年的鄭怡銳,看到片段有感而發, ...


坦白講

跟錯咗大佬

近日,一條 MMA拳手十秒 KO太極師父的片在網上瘋傳,曾經風光的傳統武術竟被彈到一文不值。學習傳統武術十多年的鄭怡銳,看到片段有感而發,說出一件往事。當年在學校與同學打架,加入拳館不久的他,即打電話予他好打得的師父,即馬大英第三代傳人馬天樂求救,怎料師父來到,並沒有出拳還手。那一刻,他的確有點失望""

我唔鍾意讀書,最鍾意蝦蝦霸霸,鍾意威,鍾意出頭。那時跟了個黑社會大佬,每日工作就是在學校收門生,壯大勢力,都上過幾次差館。拳頭是最好證明自己實力的工具,出拳並無原因,可能係:「你睥咩呀?睥咩唔好呀!齱 v咁就打佢囉。為咗好打啲,跟人去學武術,跟着達摩蝴蝶本合門、馬大英第三代傳人馬天樂。

剛剛入館,就喺學校同人開拖,打輸咗,唔忿氣,打俾師父馬天樂,佢即刻撲嚟學校。我呢個師父好打得,心諗你班友仲唔死,點知師父嚟到,並無出手,只係同對方講咗幾句。

佢同我講,你唔好用你黑社會嗰套,唔係下下打打殺殺先解決到問題。佢三言兩語同對方講大家同學仔,日日見面,你打我我打你,唔知打到幾時。最後我同對方做埋好朋友。

加入拳館之後,都唔係想像中咁樣。日日上嚟只係紮馬、練體能,成個月都未掂到個沙包。紮完馬,仲要抹廚房、洗廁所,要抹玻璃,我喺屋企都無做家務。想走過好多次,但連獅頭都未掂過,好唔甘心,又留低。等咗一段日子,終於可以打沙包。好威咁,一拳打落去,點知雙手腫咗,原來個沙包真係沙,好硬㗎。練吓練吓,以為自己打得好好,點知師父都係鬧喎,我反叛,唔願聽。十幾年嚟,因此離開過拳館好幾次。不過心癮起,又返番嚟,師父總係不計前嫌。

後來愈學愈多,終於明白師父點解唔可以咁快教我打人,因為更重要係教打人之前教我做人。傳統武術,可以打死人。師父深入了解我為人之後,才逐點逐點去教我,怕我行錯路。

跟咗呢個師父,遠離咗以前個大佬。拳館有好多人,唔只係我這類,接觸得多不同嘅人,原來我嘅圈子唔只係喺黑社會中,我嘅生活,唔只係打打殺殺、飲飲食食。我由貨車仔,到建立自己嘅貨車隊,如果我繼續用拳頭度日,到今日可能仲係一個小嘍囉。師父話齋,咩先係真功夫?係做人,而唔係打人。

撰文:梁佩均

攝影:林金展


鍾意就快D Share啦!
Related Posts Plugin for WordPress, Blogger...