2017年5月25日 星期四

馬爾代夫返港 杏兒生夠三個先收手 [壹週刊 - 1420] __,杏兒,胡杏兒,M1,

探熱針馬爾代夫返港 杏兒生夠三個先收手恨B恨到出晒口的胡杏兒,結婚年半終於成功造人,在母親節當日宣布做媽咪,慶祝佗B,上星期杏兒同老公Philip飛馬 ...


探熱針

馬爾代夫返港 杏兒生夠三個先收手

恨 B恨到出晒口的胡杏兒,結婚年半終於成功造人,在母親節當日宣布做媽咪,慶祝佗 B,上星期杏兒同老公 Philip飛馬爾代夫「 baby moon」。

週日(廿一日)早上,李生李太返港,佗 B四個月的杏兒著住牛仔衫褲,已經開始見肚,而且略為發福, Philip推住行李出閘,摩打腳行得勁快,大肚婆急步尾隨,真係睇見都牙煙!

據知,身為長子的 Philip肩負傳宗接代責任,兩公婆目標一致,生夠三個先收手,今年三十有七的杏兒,真係要快馬加鞭

生得幾多得幾多

杏兒結婚當日在「李家祠堂」對住鄉親父老曾戲言「一年抱三」,這個目標當然唔會輕易做到,不過婚後杏兒同 Philip開行 turbo,終於成功製造第一 B,母親節當日,杏兒在 ig上載 BB的超聲波相報喜:「今年的母親節太特別了,感恩上天送給我們的禮物,感覺好奇妙,李寶寶已急不及待在我肚子裡做仰臥起坐了,寶寶再等一下,爸爸和媽媽期待跟你見面呢!」

「其實杏兒 target要生三個,仔女都冇所謂,佢同 Philip都好鍾意小朋友,契仔契女都一大堆,不過始終唔想做高齡產婦,總之盡量生,生得幾多得幾多啦。」胡杏兒身邊人說。

首次做媽咪,杏兒卻表現輕鬆,懷孕初期已經搭長途機,前排孖住老公飛馬爾代夫「 baby moon」,同陽光玩遊戲,杏兒更開心 share比堅尼相。相中的杏兒依然弗到漏,正面睇完全唔見肚,一啲都唔似大肚婆,連粉絲都留言叫佢「辣媽」。

落機當日,同老公一齊的杏兒明顯見肚,而且圓潤咗唔少,同之前的比堅尼相,有啲分別喎!

慶祝佗 B,杏兒佗足月就同老公飛馬爾代夫「 Baby moon」,享受陽光海灘。

去到馬爾代夫,兩公婆瘋狂放閃,不停上載旅行照。

大肚婆先上車, Philip負責搬行李。

「胡說八道」多喜事

BB未出世,「胡說八道」一班好姊妹已經爭住認做契媽。

由胡定欣、胡蓓蔚、李施嬅、黃智雯、姚子羚同埋胡杏兒組成的「胡說八道會」,最近喜事一浪接一浪,先有杏兒榮升媽咪,之後黃智雯同姚子羚雙雙被傳好事近。

黃智雯

34歲的黃智雯同任職珠寶集團高層詹文天拍拖四年,去年尾被爆已經影埋婚紗相隨時嫁得,更盛傳婚期係今年八月。

姚子羚

36歲的姚子羚有過億男友「的士邦」(鄭子邦),一早已發展到同居階段,最近盛傳好事近,姚子羚接受訪問時亦冇否認,仲話年尾得閒。

行動靈活

週日(廿一日)早上八點,杏兒同 Philip返港,出閘時粗重嘢當然由 Philip負責,他拉住兩大喼一馬當先,杏兒兩手 fing fing尾隨,著住牛仔外套加闊褲的杏兒,明顯同比堅尼相有出入,明顯增磅兼開始見肚,不過精神飽滿,而且行動非常快速,佗 B四個月杏兒完全冇就住,一出閘 Philip keep住摩打腳,杏兒急步跟住,行行吓 Philip見唔對路,先停一停等埋老婆,兩公婆去到停車場,急急上車走人。

母親節當日,杏兒宣布有喜,仲將 BB的超聲波圖開心 share。

為咗令杏兒成功佗 B,奶奶拖實日日煲愛心湯水,務求令杏兒長肉。

杏兒同 Philip一樣勁鍾意小朋友,契仔契女一大堆。

奶奶谷肥

話晒 Philip係李家長子,佗住長子嫡孫的杏兒深得奶奶痛錫,為咗令新抱達標生夠三個, Philip媽全天候掌控杏兒起居飲食,務求谷肥新抱。

「杏兒奶奶成日話佢太瘦,所以煲好多湯水俾佢飲,等佢長多啲肉,又唔俾佢食隔夜嘢,湯水同餸菜都要日日新鮮整,連 Philip都話佢媽咪錫杏兒多過錫佢。」胡杏兒身邊人說。

年半前杏兒在「李家祠堂」對住鄉親父老戲言要「一年抱三」。

原本生仔計劃在上年要實行,但因為接了《那年花開月正圓》,結果套戲一拍完無幾耐,杏兒就發現有咗。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...