2017年5月15日 星期一

【186萬戰車再出動】拖手親暱接載郭嘉文 李澤楷有回應… __,李澤楷,郭嘉文,

現年50歲富豪筍盤李澤楷同24歲港姐季軍郭嘉文同遊日本,戀情浮面,上月又俾《蘋果》讀見到李澤楷親自駕駛186萬戰車,接載郭嘉文(新聞連結:http:/ ...


現年50歲富豪筍盤李澤楷同24歲港姐季軍郭嘉文同遊日本,戀情浮面,上月又俾《蘋果》讀見到李澤楷親自駕駛186萬戰車,接載郭嘉文(新聞連結: http://bit.ly/2oqVbjH ),今日母親節《蘋果》又影到李澤楷再次做柴可夫,出動同一戰車,同郭嘉文現身灣仔。着熱褲騷長腿襯粉紅色裇衫嘅郭嘉文,打扮嬌俏迷人,佢獨自落車買完麵包後,由李澤楷駕車到大潭嘅香港木球會撐枱腳。着白tee襯及膝褲嘅李澤楷一身放假look,佢哋落車後大方十指緊扣手拖手,行行吓就由拖手轉換甫士變攬腰,李澤楷仲情不自禁輕摸郭嘉文臉龐,十分煙韌,兩人喺餐廳醫肚後,再到郭嘉文位於馬鞍山嘅香閨,李澤楷將座駕停喺路邊等候,郭嘉文上樓攞旅行袋同狗袋後上車。對於被影到同郭嘉文甜蜜拖手,《蘋果》記者聯絡李澤楷問會否公開戀情?覺得郭嘉文邊方面最吸引?會否為一棵樹放棄森林,結束鑽石王老五身分?晚上李澤楷以英文短訊回覆:「Very sorry Am at an event with 150 of my hk and overseas insurance executives , good night.」避答感情問題保持低調。

(攝影:莊建鑫) 兩人態度親暱,又攬腰又拖手。
呢架戰車上月都出動過,李澤楷喺中環接走郭嘉文。(資料圖片)
上年同遊日本銀座。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...