掃呢頁CODE去手機

2017年5月15日 星期一

拍拖18年冇人知!蔡一傑爆伍詠薇甩乳貼 __,蔡一傑,伍詠薇,

拍咗18年都冇人知?歌手蔡一傑到電台宣傳新歌《流淚的怪獸》,提到他作客好友伍詠薇節目《伍姑娘真識食》的一集昨晚在奇妙電視播出,他指家中沒有奇妙電視,伍 ...


拍咗18年都冇人知?

歌手蔡一傑到電台宣傳新歌《流淚的怪獸》,提到他作客好友伍詠薇節目《伍姑娘真識食》的一集昨晚在奇妙電視播出,他指家中沒有奇妙電視,伍姑娘就用電話拍下電視播出的節目,再放上網給他看:「我有睇佢Facebook,用佢嘅angle去睇佢睇嘅嘢,佢邊睇邊笑,我又跟住佢笑,好似同佢同步咗咁,好得意。」他又提到伍姑娘在節目中自爆為他拍第一個MV時的趣事,當時伍姑娘的背部要全祼,所以她上身沒有穿衣服,只貼了兩個乳貼:「我個胸要貼住佢個胸,場外咁多人,我唔郁得,要貼住佢保護佢,我當時對眼都淨係向上望,嗰時好熱,原來捽捽吓佢乳貼甩咗,我嗰時唔知,佢後來講番出嚟笑到我呢!」

怕醜唔敢追女仔

此外,蔡一傑亦在節目上大爆曾有個拍拖18年的圈外女友,在他三十多歲時,因兩人在結婚上未能達成共識而分開。講到他罕有剖白感情生活,他說:「唔知呢,對住啲熟嘅朋友,就係佢(伍詠薇)囉,套咗出嚟。(嗰18年收得好密?)大家唔知㗎。」又指其後自己一路單身:「冇人要。(你喺節目叫人Approach你?)依家我都要叫你哋繼續幫我叫人approach我,我唔會approach人,因為我好驚,我好怕醜㗎,好多人誤解我,可能我係台上好型、好威武,呃咗大家,我自己覺得咁多年都冇,因爲佢哋覺得我好強硬,其實我係好weak,係『流淚的怪獸』。」

介意被指有男友

問到可有擇偶條件?蔡一傑指沒有:「你唔mind我,我就唔mind你,我覺得搵另一半溝通同傾偈緊要啲,個腦sync到係最重要。(冇遇過?)完全冇,烏蠅飛過都冇,可能真係舞台上嘅我太強,嚇怕咗人。(個個以為你有另一半?)唔知,可能有呢啲成份,會覺得『你點會冇呀』,但我想話我點解會有呀。」又指自己私下不太喜歡說話,一班人出外玩他就像鵪鶉一樣坐在旁邊。至於可會介意被指有男朋友?他說:「以前會好介意,將啲人塞咗落我度,又關我事?我就唯有唔出聲,愈描愈黑,廢事講咁多。」問到現時是否仍是不婚主義?他坦言現時對待感情有另一看法,最重要大家思想獨立及同樣喜歡工作、旅行、做運動等,自己非常簡單。


來源 source: http://hk.on.cc
鍾意就快D Share啦!