掃呢頁CODE去手機

2017年5月18日 星期四

陳豪投資 2000萬出埋茶葉 咖啡王國發大搞 [壹週刊 - 1419] __,陳豪,M1,

探熱針陳豪投資2000萬出埋茶葉 咖啡王國發大搞陳豪去年榮升第三任老豆,擁有兩子一女的他,不單忙於照顧屋企,15年在荃灣開咖啡工廠賣自家品牌Bloom ...


探熱針

陳豪投資 2000萬出埋茶葉 咖啡王國發大搞

陳豪去年榮升第三任老豆,擁有兩子一女的他,不單忙於照顧屋企, 15年在荃灣開咖啡工廠賣自家品牌 Blooms後,今年又再加碼,先後投資二千萬,推出自家品牌茶葉,將咖啡王國發大搞的 Moses,雖然正忙於拍新劇《誇世代》,依然未有鬆懈,繼續在幕後做總指揮。

主力做網購

陳豪位於荃灣的三千呎咖啡工場,不單製造自家品牌「 Blooms」,更會因應顧客特別要求製作他們喜歡的口味,這幾年雖然忙於拍劇,但陳豪一直會隔空指揮,而他每個月亦會現身工場視察一下。

「個工場 Moses搞咗兩年,嗰度只係做咖啡研究及訂貨,冇做零售,客人除咗上工場訂之外,亦可去 Blooms個網址網購,佢之前都周圍去搵鋪,不過香港租金太貴,開地鋪都要再計劃。」知情者說。

位於荃灣三千呎的 Blooms Roastery&Craft Tea咖啡實驗室開張當日,陳豪兩夫婦未有邀請圈中人,只請來舞獅助興。

陳豪自從數年前主持過咖啡節目,經常拎住咖啡出鏡,加上愛飲咖啡,故有咖啡王子之稱。

茶葉攻女性市場

早前, Blooms在科學園搞過 pop up station作產品宣傳,「自從 Blooms上軌道後, Moses同 Amiee(陳茵媺)分別都有送俾身邊朋友試飲,叫大家俾 comment,加上佢哋都係 supplier,會供應俾本地或海外嘅咖啡店,而家拎得最多貨係馬來西亞。」

陳豪除了出咖啡外,還出埋茶葉,其中有中國普洱同印度大吉嶺紅茶。「 Moses好有諗法,唔會單做咖啡,同時亦想攻埋女性市場,女人鍾意飲花茶紅茶,所以 Moses嘅設計都好女性化,粉紅色好 lady,老婆都俾好多意見, Amiee好多時都有陪 Moses去工場。」有知情者說。

跟老婆陳茵媺恩愛,就算點忙,每隔一段時間都會去旅行享受二人世界。

正在拍電視劇《誇世代》,陳豪跟其他演員一樣由朝踩到晚。

早前搞 pop up store,陳豪未有現身,但員工就清一色着上粉紅色制服招呼客人。

陳豪自家品牌「 Blooms」咖啡豆,馬來西亞都有 fans,其中一間位於馬來西亞咖啡店都有入貨。

有新出品茶葉,陳豪即送給合作對手心穎 BB,她在 fb鋪相多謝。

陳豪都有送給愛歎咖啡的朱晨麗。

前度廖碧兒同做飲品生意

同在外國長大的前度廖碧兒, 08年在美國拍戲時有機會到 Napa Valley精品酒莊,自此愛上葡萄酒,近十年她不斷鑽研,自創葡萄酒品牌 Bellavizio(美麗的錯誤),又考獲三級品酒師執照。這幾年,她會飛法國學習收割、發酵、 blind tasting及調酒過程,完全掌握釀製過程。她更在美國 Robert Mondavi Winery酒莊和法國波爾多買了個小葡萄園,以及在柴灣買工廈作為酒窖。

撰文、攝影、攝錄:娛樂組


鍾意就快D Share啦!