2017年5月4日 星期四

網民熱話:3女色誘賤男黎諾懿 孫慧雪大騷美腿! __,孫慧雪,黎諾懿,

雪雪大騷長腿!絕種好女友唐詩詠又遇上賤男友?!放心,賤男友只係無綫劇《不懂撒嬌的女人》入面,飾演賤Han嘅黎諾懿啫,唔少女觀眾都睇到咬牙切齒。MyTV ...


雪雪大騷長腿!

絕種好女友唐詩詠又遇上賤男友?!放心,賤男友只係無綫劇《不懂撒嬌的女人》入面,飾演賤Han嘅黎諾懿啫,唔少女觀眾都睇到咬牙切齒。MyTVsuper facebook專頁就將賤Han嘅金句剪輯埋一齊,一眾網民都大讚「馬壯」黎諾懿做得夠晒衰格,好好戲咁話!

劇情講到賤Han同唐詩詠已經拍拖四年,仲一齊供樓兩年,不過賤Han有詩詠BB都唔心足,仲成日扮返內地做嘢,其實就周圍識女仔,仲同坐擁35E嘅白雲搭上,搞到詩詠喊得一句句。當唐詩詠話要分手,賤Han即刻帶白雲上愛巢示威,仲要唐詩詠賣樓,一係就畀返二百萬佢,你睇吓黎諾懿個樣衰到呢,仲同詩詠講「想同我復合?冇㗎喇~賣樓啦你!」,網民話冇諗過黎諾懿可以衰到咁,仲話佢果然係「神之馬壯」,賤都賤得衰過人!

之後鏡頭一轉,詩詠嘅一班好姊妹為咗拖延賤Han去上海簽約,使盡渾身解數去色誘賤Han。首先出場嘅係「宅男女神」孫慧雪,佢着住套桃紅色製服,露出白滑美腿,黎諾懿當然完全冇還擊之力,仲大膽到想鍚落去雪雪BB度添,佢話:「整親?咁要啜吓噃~」認真喉擒!之後就到林秀怡出場,佢用三吋事業線引誘賤Han,賤Han今次唔止動口仲動埋手,叫對方坐喺自己隻腳度,話要幫林秀怡捽腳,淫賤到呢!最後就有着住爛黑絲嘅鄧佩儀登場,賤Han即刻睇到眼都突埋,話「着黑絲還着黑絲,做咩要咁招積踩住我部車?」、又話「我部車係買嚟換衫嘅。」衰到冇人有!

賤Han咁衰,但網民就睇得好開心大讚黎諾懿入型入格,唔知今次黎諾懿會唔會憑賤Han一角再次人氣急升呢!

網民有話兒

SiXXXXXXn 好難聯想到黎諾㦤系演到甘(咁)衰格!

FaXXXXn 證明「神之馬壯」係好戲的。

SpXXXXXK 馬壯做得幾好呀

SaXXXXXXXh 變態

RiXXXXXd衰格得嚟好好笑呀!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...