掃呢頁CODE去手機

2017年5月25日 星期四

蔡一鳳大手割愛 30個 Hermè s:唔想再服侍佢哋 [壹週刊 - 1420] __,蔡一鳳,M1,

蔡一鳳在金鐘力寶中心寫字樓showroom接受訪問,兩個單位年多前以4700萬購入,早前以6000萬沽出,扣稅後賺約1200萬。名人生活蔡一鳳大手割愛 ...


蔡一鳳在金鐘力寶中心寫字樓 showroom接受訪問,兩個單位年多前以 4700萬購入,早前以 6000萬沽出,扣稅後賺約 1200萬。

名人生活

蔡一鳳大手割愛 30個 Hermè s:唔想再服侍佢哋

14年嫁前亞視執行董事盛品儒成為 Ball場新貴的蔡一鳳( Michelle),雖然是銳思集團老闆,又先後任澳洲墨爾本皇冠(澳門區)賭場副總裁,和出任塞班島大型度假村娛樂場集團 CMO首席市場官,吸金力驚人;不過為要趕生 B,今年初放棄高薪厚職唔再周圍飛,心態轉變的 Michelle,更計劃將曾經是至愛的三十個 Hermè s袋割愛,她說:「唔想再服侍佢哋。」湊 BB好過湊袋。

盛品儒詐型

自言趁後生努力工作的蔡一鳳,婚後兩年依然未肯停下來,試過三星期在外地工作,見老公只有半日時間的她,早前再被老公詐型「老婆都係時間造人」,手頭 project剛完成,五月底出席旗下珠寶店在巴黎的開幕儀式後,她才真正可以停下來,所以造人計劃仍未正式開始:「月底要飛法國,我唔想佗住 BB飛來飛去,因為咁唔安全嘛。」她說。

多年來工作排第一,成為人妻後心態也相繼改變,長期高踞女人至愛榜首的 Hermè s袋也願意割愛,她說:「啱啱讀完書出嚟打工,我會儲錢買 Chanel,都曾經係我鍾意牌子之一,不過人會有轉變,後來就鍾意咗 Hermè s,到依家乜都淡晒,唔會好鍾意一個牌子。不過 Hermè s真係實用,可以擺好多嘢喺入面,啱晒返工,係包中之王。」

約 43萬

這個櫻花色鱷魚皮 Hermè s,顏色特別,她表示會留給自己用。

嫁盛品儒後搬入赤柱獨立屋,蔡一鳳甚少返澳門屋企,其中一間房間更用來擺放四十多個 Hermè s,要工人姐姐不時拿出來檢查。

出席活動,蔡一鳳大部分時間都愛用 Hermè s,她說方便裝住文件周圍走。

買珠寶送 Hermè s

工作關係,那些年經常飛法國的她,每次到巴黎都會到 Hermè s店朝聖,由於唔係有錢就買到,身邊朋友都開始找她入貨,她腦筋一轉隨即成為一盤生意,不過一人身兼幾職,婚後要照顧屋企,賣袋生意因換新鋪關係,在今年二月已經結束。

手頭上仍有四十多個 Hermè s袋, Michelle也懶得再花時間精神侍候,她笑言:「我服侍咗呢啲袋好耐,香港天氣潮濕,擺放地方要長期開冷氣,又要工人姐姐不時執吓,因為擺得唔好會變形,我有四十幾個,都真係要一間房先擺得晒。」

Michelle有計劃在她的珠寶店消費滿一百萬,即獲送一個,她說:「依家仲有四十幾個喺手,有十幾個係自己珍藏,好似其中一個櫻花色嘅鱷魚皮,顏色好特別,會留番嚟自己用。」

上年生日,老公特登為她搞飯局慶祝,有朋友送 Hermè s蛋糕。

95歲時尚婆婆 Iris Apfel來港搞展覽,蔡一鳳同老公一齊去朝聖。

碧咸嫂來港為她設計的眼鏡品牌開慶祝 P,蔡一鳳也有去捧場。

在力寶中心 showroom擺放了媽咪珍藏的一套綠寶石首飾,她說只供欣賞。

見 BB眼甘甘

飛巴黎一轉回來後開始造人, Michelle說:「希望出年一定有,而家開始計劃差唔多。 James依家心急過我,有時工人姐姐會抱隔籬鄰居啲混血 BB返屋企玩,佢就眼甘甘望住,仲要好開心,同以前好大差別,之前佢話 BB好煩,依家就話好得意。 James好體諒我,當住人面前會話老婆忙啲好,但有時忍唔住同我講係時候造人,不過點都好,應該要做嘅嘢都要做完先得㗎。」

她身上價值十幾萬的 Valentino晚裝只著了一次,她說會放在朋友的二手店出售,扣除佣金,全數捐去做善事。

在巴黎 Place Vendome,開自家品牌珠寶店 Marvella,由搵鋪到請售貨員,她全程遙控指揮。

早前跟郭鶴年細女郭燕光一齊為時尚雜誌影相,著吊帶裙騷白滑肌膚。

蔡母後生時已愛搜集珠寶,送了一套綠寶石給蔡一鳳做嫁妝。耳濡目染,她數年前索性開珠寶店賣自己品牌。

出席 Cartier晚宴,她戴的都是自家出品的首飾。

撰文、攝影、攝錄:娛樂組


鍾意就快D Share啦!