2017年5月15日 星期一

間屋大到喊!林盛斌帶領3個女冧爆老婆 __,林盛斌,

佢哋要住6個人喎,細少少都唔得啦。藝人林盛斌(Bob)同太太PearlWong結婚多年先後誕下3名愛女,一直都話想追個仔嘅佢,今年四月Bob公布喜訊, ...


佢哋要住6個人喎,細少少都唔得啦。

藝人林盛斌(Bob)同太太Pearl Wong結婚多年先後誕下3名愛女,一直都話想追個仔嘅佢,今年四月Bob公布喜訊,佢第四度做人爸爸,今次Bob嫂終於都佗住林家嘅「慈姑椗」,真係全城恭喜阿Bob呀!

今日係一年一度嘅母親節,向來都好錫老婆嘅阿Bob,今次就夾埋三個女齊齊為老婆送上驚喜。先見三個女企喺屋企門口準備就緒,阿Bob發號司令問三個女準備好未,三個女即刻好大聲咁話:「準備好!」之後就由大女林霏兒拎住神秘禮物兼開門,帶領住2個細妹林熹兒同林機兒一齊跑住入屋!

喺呢個時候,原本Bob嫂做緊一條美人魚係到睇緊電視,見到三個女衝埋嚟即刻起身睇下發生咩事。一開波就講多謝多謝,講完緊係第一時間拆禮物啦,原來Bob今次為老婆準備咗一對最近好Hit嘅波鞋,呢對鞋就連賭王何鴻燊三房千金何超蓮都有着添,難怪Bob嫂都讚係靚鞋,仲邊講邊笑勁開心!阿Bob出動靚鞋,三個女又點會兩手空空呢?三個女仲勁有心思親手整咗個袋畀Bob嫂,個袋出面畫咗媽媽個樣,再加埋啲心心,真係咪話唔sweet呀!臨尾三個女仲要講多句母親節快樂,再加上香吻一個,不過話時話阿Bob去咗邊呢?今次阿Bob為咗拍低呢個咁美好嘅時刻,惟有充當Bob嫂「背後嘅男人」做私人攝影師。

唔少網友都話Bob呢個三個女真係又sweet又可愛,但亦有網民錯重點,竟然話Bob間屋又大又靚,話依家要搵屋搬,問佢有冇好介紹!

網民有話兒:

kaXXXrine_yXXh0910:好幸福啊

X____c:嘩 好靚吖 快啲着嚟睇吓啦

XXXove_lzx:哇 羨慕死人喇

paXXadakXXXng:爸爸大頭笑咗


來源 source: http://hk.on.cc
鍾意就快D Share啦!
Related Posts Plugin for WordPress, Blogger...