網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年5月28日 星期日

42歲生日變獨眼佘!佘詩曼忍痛fb玩直播 __,佘詩曼,

俗語有話「牙痛慘過大病」,但其實眼痛都唔好得去邊呀!今日42歲生日嘅佘詩曼(阿佘),一早就約定Fans於下午3點30分喺facebook玩直播,不過臨 ...


俗語有話「牙痛慘過大病」,但其實眼痛都唔好得去邊呀!

今日42歲生日嘅佘詩曼(阿佘),一早就約定Fans於下午3點30分喺facebook玩直播,不過臨直播前20分鐘,佢突然上載咗張左眼蓋住紗布相,仲話:「由於特別事故,Live Session 將要延至下午四時正才可開始。敬希原諒!」大批網友睇到相都非常擔心,都紛紛留言問佢隻眼咩事,叫佢要小心保重,仲話會耐心等佢直播!

以為視網膜脫落

到直播嘅時候,雖然變咗「獨眼佘」,不過阿佘心情仍然好好,首先佢就同大家交待咩事,原來佢隻左眼發炎,仲因為好痛,以為自己視網膜脫落!佢揭開塊紗布滴眼藥水,見到佢隻左眼腫晒,真係隔住個Mon都覺得痛,難得阿佘仲識講笑話唔知係咪尋晚生日飯局畀人整到搞到咁,認真搞笑!

搞沙灘派對

之後佢就晒吓「阿佘廚房」,個個都大讚好靚!而網友亦把握機會問佢幾時會搞個真正見面會,阿佘都話好想搞個沙灘派對或者泳池派對,同世界各地嘅Fans聚會,仲叫大家要着泳衣,真係諗起都興奮,網友都話一定會參加呀!

網友送上祝福

話晒生日喎!阿佘當然就要晒吓戰利品,佢唔單只大晒粉絲送畀佢嘅禮物,見到又心心又相架,不過最特別係收到一枝大型清酒,上面仲寫住「一生幸福」,佢話希望大家都可以幸福呀!網友都送上祝福,最緊要希望阿佘健健康康,同快啲搵到真命天子咁話!


來源 source: http://hk.on.cc
鍾意就快D Share啦!