掃呢頁CODE去手機

2017年5月24日 星期三

【獨家】傾到唔捨得走 46歲李嘉欣同家姐李嘉明繑實中環放閃 __,嘉欣,李嘉欣,李嘉,鍾嘉欣,

大美人李嘉欣早年曾經上過《志雲飯局》,講到圈中知心好友,嘉欣就話着實唔多,可以傾到心事嘅,就只有親家姐李嘉明。李嘉欣即使嫁咗許晉亨同生咗囝囝許建彤(J ...


大美人李嘉欣早年曾經上過《志雲飯局》,講到圈中知心好友,嘉欣就話着實唔多,可以傾到心事嘅,就只有親家姐李嘉明。李嘉欣即使嫁咗許晉亨同生咗囝囝許建彤(Jayden),同家姐各自要照顧自己頭家,但兩姊妹感情如昔,周不時見李嘉欣撇甩老公、囝囝,約埋家姐一齊行街、High Tea。日前下晝約4點,《蘋果》見到李氏姊妹花喺中環置地行街放閃,雖然呢排天氣乍暖還寒,不過李嘉欣同家姐已經着上一身清爽春裝,李嘉明行街嗰陣,全程繑實細妹隻手,至於紮住馬尾戴上黑超嘅嘉欣,沿途散發陣陣星味,即使當日佢哋行街時份,並非人潮高峰期,但已吸引極高「回頭率」。二人喺置地行咗一圈,再轉戰隔籬嘅太子大廈再兜多一轉,李嘉欣先上泊喺商場門口嘅房車返屋企,同家姐分道揚鑣。雖然兩姊妹最終喺商場冇斬獲,但沿途見二人有講有笑,傾到唔捨得走咁樣樣,姊妹情令人羡慕。

(採訪、攝影:孔子) 李氏姊妹花喺中環置地行街放閃 兩姊妹最終喺商場冇斬獲
兩姊妹感情好好(資料圖片) (資料圖片)
成日都會一齊行街(資料圖片) (微博圖片)

來源 source: http://s.nextmedia.com
鍾意就快D Share啦!