2017年5月22日 星期一

【動畫●獨家】官司打到底 53歲翁靜晶宣佈「復出」重投法律界 __,翁靜晶,

今日是翁靜晶的53歲生日,曾表示五十歲要退休的她,宣佈復出。那時翁靜晶因甲狀腺功能減退而退休,她稱,醫生說她的體內的爐熄了。於是翁靜晶逢人便說,自己命 ...


今日是翁靜晶的53歲生日,曾表示五十歲要退休的她,宣佈復出。那時翁靜晶因甲狀腺功能減退而退休,她稱,醫生說她的體內的爐熄了。於是翁靜晶逢人便說,自己命不久矣。也因為如此,翁靜晶每晚都祈求菩薩保祐,讓她足夠的體力,可以想要完成的使命。包括為定慧寺籌款。但之後定慧寺發生的事,大家應該都知道。(相關新聞﹕http://bit.ly/2qDVA6F)「我覺得,成件事,都係因我而起,呢件事我一定要去一力承擔。」

「你諗下,如果我依家行咗去,之後會發生咩事?」事件緣起,2015年3月,翁靜晶去見定慧寺主持,「佢嗰陣同我講連電費都唔夠錢交,於是我俾咗十萬蚊佢。俾完佢之後,到佢後山個斜坡,要維修整美化,我嗰度就捐咗42萬。卒之到2015年6月,我發覺佢整咗好多新嘅、違規嘅骨灰龕設備想呃政府,於是我用手打爛晒啲假骨灰龕,後來因為爛成咁樣,我又賠錢出嚟,俾多五萬幾蚊佢維修,裝埋冷氣,呢度夾埋都差唔多六十萬。後來又發生定慧寺官司嘅事,打官司嗰度都幾十萬。」咁都唔止,08年定慧寺有斜坡工程需要進行,但定慧寺一直遲遲不理,於是政府代支,合共二百萬左右。定慧寺一直不付。「對家啲人就話,喺定慧寺籌番嚟嗰600萬用嚟還俾政府,因為如果唔還有乜嘢後果呢?就係釘契,賣咗你撻地,亦都可以年息十厘同你起釘,你要俾錢嘅錢只會越嚟越多。」那為何不可以直接由善信捐款中撥200萬還給政府呢?翁靜晶稱這涉原則問題:「呢啲善款全部都係2015年3月之後,市民大眾捐嘅,佢哋捐嚟係俾你將來維修寺院用,而唔係用嚟還舊債。佢哋捐款嘅時候,事前唔知道筆咁嘅債爭落咗,亦都唔會有共識嚟舊債。咁我覺得,呢個係一信託戶口上,有一啲法律上嘅問題。」「好大可能先由我俾咗嗰二百萬出去先,起碼解決件事先。所以呢,我一定要出番嚟做嘢,唔可以咁坐食山崩。」「我退休嗰陣,我係計過啲錢往後係夠用,但依家睇嚟計劃有變,所以我依家搵咗工喇。我今次去英國探埋女之後,我就會返工。7月就要返工。返工就要去賺番嗰啲錢。」咁依家善信嗰600多萬,仍存於銀行及眾籌公司被凍結,無人能夠動用。翁靜晶說:「因為原則問題,所以所有費用、打官司嘅錢都好,我都要自己籌番嚟,呢個係我一個承諾。」問翁靜晶預算用幾多年打宮司?她稱:「十年。當然我希望唔係會咁長,但我哋冇一個財喺後面俾錢打官司,對家就好似有源源不絕嘅資源。所以官司嘅長短,係在於雙方嘅律師費頂到幾耐。」「錢嗰方面我會努力去籌。我唔會退縮,呢個係正邪之間嘅決斷嚟嘅。我唔可以放棄。做人嘅嘢就要承擔,你應承咗要做,就一定要去做。我有好方法,我可以賣樓,但我仲做得,我可以去返工。」可擔心不適應上班一族生活?翁靜晶淡然謂:「馬死落地行。打工都唔係一件壞事,你話如果呢件事發生喺70歲你就話驚啫。」

翁靜晶直言定慧寺官司是長久戰,她需要復出做回律師,不可以坐食山崩。(資料圖片) 今日是翁靜晶的53歲生日,生日快樂! 翁靜晶曾揭定慧寺女住持釋智定(左)涉嫌假結婚,及寺廟賬目混亂等。(資料圖片)
翁靜晶2014年退休,閒時寫書法。(fb圖片) (fb圖片) 唔少網民都為翁靜晶打氣,仲希望眾籌助打官司。(fb截圖)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...