2017年5月14日 星期日

【孤獨過母親節】子女不在身邊 65歲陳曼娜憶節日淒酸:成日都一個人 __,陳曼娜,

陳曼娜同寶貝女鄭祖兒(Joie)、女婿蔡朝旭(Dicky)日前喺尖沙嘴預先慶祝母親節,你估下送咩?首先,一人一紮花。仲有蛋糕粉紅色大蛋糕。殊不知驚喜源 ...


陳曼娜同寶貝女鄭祖兒(Joie)、女婿蔡朝旭(Dicky)日前喺尖沙嘴預先慶祝母親節,你估下送咩?首先,一人一紮花。

仲有蛋糕粉紅色大蛋糕。

殊不知驚喜源源不絕,女婿再遞上三盒保健食品:「呢啲係好濃縮嘅雞精,好好味,營養好高。」保健產品都諗埋,呢個女婿真係諗得周到。Joie懷孕四個多月,今年唔止同媽媽一齊過母親節,仲有BB一齊。今胎係仔定女?佢話:「照咗喇,係女,冇乜點嘔,不過成日都覺得好攰同好肚餓。」Dicky表示一直有計劃要生三至四個小朋友:「剛剛知道太太有咗BB,當時好高興,之後再睇醫生,我聽到BB心跳,睇住BB個樣,感覺又完全唔同,好振奮、好興奮。」Joie有咗BB,對曼娜姐嚟講係一份最好、最無價嘅禮物。咁正日呢日點慶祝?曼娜姐話交畀「半個仔」Dicky搞,咁Dicky就話:「會同媽咪、準媽咪一齊食飯。」曼娜姐聞言笑笑口話:「佢哋結婚之前,都係同我一齊度過母親節,不過今年更加有意思,因為我個女做母親,係最有意義。」講到兩母女嘅相處,Joie話:「之前我喺美國讀書,近幾年先返嚟,所以好少見,如果我喺美國,我會打電話返嚟,例如母親節、生日、過時過節,但母親節特別一定會打返嚟,因為媽咪特別覺得孤單。」講到呢度,Joie忍唔住眼濕濕,Dicky即遞上愛心紙巾畀佢拭淚。Joie話:「係好內疚,喺外國讀咗15年,大部份時間都冇陪媽咪,我O依家返嚟,主要都係因為媽咪。」孤單度過咁多年嘅母親節,曼娜姐承認都會覺得好傷感:「我啲細路哥喺晒外國,如果我生日,朋友陪我係理所當然,但母親節,個個屋企都有母親、有家婆、有岳母,變咗人哋叫我一齊,我又唔想,變咗我成日都一個人。但係仔女好好,母親節會打返嚟,又或者特登訂禮物畀我,我最記得佢哋細個,仲未有經濟能力,佢哋會手造禮物畀我,我一直都keep住,得閒拎番出嚟睇下。」「咁多年嚟,無論佢哋有錢買或者冇錢買,都係冇欠缺我,呢幾年佢返咗嚟,我更加開心啦,因為有佢陪住我,雖然我個仔仲喺外國,係會失落少少,但係唔緊要,我有個『半個仔』(Dicky),佢係彌補咗我嘅失落。」採訪:黃曉妍

攝影:陳俊強

孤單度過咁多年嘅母親節,曼娜姐承認都會覺得好傷感
Joie話喺外國讀書15,好內疚冇陪媽媽
Joie有咗BB,對曼娜姐嚟講係一份最好、最無價嘅禮物。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...