掃呢頁CODE去手機

2017年5月19日 星期五

67度溫差!林超賢冰火交替迷失北非 __,林超賢,

林超賢新戲喺北非拍攝,由零下17度拍到50幾度都有!導演林超賢拍戲一向「搏老命」,早前於北非拍攝英皇電影《紅海行動》又再一次挑戰自己與演員的極限。該片 ...


林超賢新戲喺北非拍攝,由零下17度拍到50幾度都有!

導演林超賢拍戲一向「搏老命」,早前於北非拍攝英皇電影《紅海行動》又再一次挑戰自己與演員的極限。該片的片花及海報在康城發放,電影於北非長征式拍攝五個月,導演與製作團隊要先適應來回高達67度的溫差,以及溝通上的種種困難,少一點毅力都很難完成,林超賢說:「我哋由零下17度拍到灼熱嘅50幾度,現場有多過五國嘅語言,真係有迷失北非之感!」

三呎蜥蜴陪瞓

林超賢前作《湄公河行動》叫好叫座,票房達12億人民幣(約13.55億港元),今次《紅》片將製作規模、故事格局全面升級,投資額高達5億人民幣(約5.64億港元),當然攝製團隊的「加辛」程度亦倍增。上次拍攝《湄》片曾被蜈蚣咬傷過的林超賢,今次拍戲要迎接一隻大蜥蜴:「我哋拍戲住喺一啲小鎮內嘅賓館,曾經有一隻三呎大蜥蜴歡迎我,之後賓館曾出現過斷水斷電,被迫要以水桶儲水淋身,雖然非常艱苦,但拍攝過程非常開心順利。」

自備80斤米醫肚

拍得如此辛苦,食物方面,導演當然會「有啲要求」,每餐無飯不歡的他帶了80斤米去摩洛哥,令自己每餐都可以有飽飯落肚,年夜飯更有餸加:「當晚我除咗有飯食,仲有牛油果、半條臘腸送飯,對我嚟講已經非常有家的感覺!」至於一直保密的演員陣容,之前有傳彭于晏、張涵予兩位林超賢的愛將會「冧莊」擔任《紅》片主角,對此,電影公司表示:「因演員要保密,一切等導演正式公布。」


來源 source: http://hk.on.cc
鍾意就快D Share啦!