掃呢頁CODE去手機

2017年5月6日 星期六

第7間舖試業 Oscar「包」餵飽江若琳 __,Oscar,江若琳,蕭潤邦,

Oscar第7間飲食店試業。歌手江若琳(Elanne)早前公開認戀前組合Bliss成員、現為「生煎包王」蕭潤邦(Oscar),他們十年友情升格愛情,而 ...


Oscar第7間飲食店試業。

歌手江若琳(Elanne)早前公開認戀前組合Bliss成員、現為「生煎包王」蕭潤邦(Oscar),他們十年友情升格愛情,而轉戰飲食界的Oscar生意愈撈愈掂,已擁有六間生煎包店及西餐廳,近日更增設至第7間,「生煎包」進駐大埔,日前他落新舖巡視,見他落手落腳同包點師傅在廚房團團轉,又蹲在店前整理門面,由外賣打包到派傳單都親力親為,更主動同街坊搭訕,相當賣力。

穩定啲先娶老婆

談到其愛情事業兩得意,Oscar笑言:「生煎包同小籠包囉!打孖嚟。」原來新店是首天試業,卻撞正黃雨,他說:「係呀,腳都震埋,出門口時黃雨,真係驚有影響,但我細佬話生意唔錯,所以都有信心。」靠新舖食胡「娶老婆」?Oscar即說:「靠呢間娶唔到,要靠多少少,今年都想開多兩、三間店,開多啲生活穩定啲。」新舖Elanne可有份投資?他說:「梗係冇,做生意唔好搞到咁複雜。(對呢段情冇信心?)梗係有,但自己做到,就唔想因為拍拖而賣弄大眼妹(Elanne)嘛,我做好我嘅生煎包,佢就唱好佢唱歌拍戲,我哋一齊努力,我同佢講,你唔使驚,日日有飯開,日日有包食,唔會餓親。」

免費包惠及長者

記者笑Oscar成功「生擒」Elanne做女友,他即害羞說:「唔講,唔知畀咩表情,好尷尬,咁係個天安排,唔關生唔生擒,一路都係朋友,有時你覺得去到某啲位就變男女朋友,係自然嘅!(你主動?)咁梗係啦,人哋女仔嘛。」又說開新店女友比他還緊張,預計6月前會擇吉日開張,Elanne屆時會現身撐場。訪問期間Oscar不忘同街坊寒暄打關係,他說不做只會賺錢的生意人,大埔有很多老街坊,他想給長者派「免費包」,現正構思中。


來源 source: http://hk.on.cc
鍾意就快D Share啦!