掃呢頁CODE去手機

2017年5月23日 星期二

【獨家】85歲黎宣結婚66年 與初戀情人老公手拖手食糖水 __,黎宣,

一對戀人最大嘅幸福,就係能夠「執子之手,與子偕老」。人稱「宣姨」嘅黎宣今年已經85歲,09年拍完最後一部劇集《OnlyYou只有您》就淡出娛樂圈。退休 ...


一對戀人最大嘅幸福,就係能夠「執子之手,與子偕老」。人稱「宣姨」嘅黎宣今年已經85歲,09年拍完最後一部劇集《Only You 只有您》就淡出娛樂圈。退休後嘅宣姨好懂得享受人生,經常同老公高宏行街拍拖。據聞高宏係宣姨嘅初戀男友,兩人喺1951年結婚,育有三個女,現在已經兒孫滿堂。讀者黎小姐透過《蘋果》爆相爆料,透露日前喺晚上9點幾,見到黎宣同老公及一男一女友人去將軍澳一間甜品店食嘢。已經滿頭白髮嘅宣姨同老公都冇用拐杖,雖然行動比較慢,但個樣o依然好精神。由於當時頗多人排隊等位,宣姨同老公就倚住欄桿企,宣姨企咗一陣覺得有啲攰,用手捽吓大腿。期間一名店內送外賣嘅職員經過,都有同宣姨等人打招呼,睇嚟係熟客仔。宣姨等人大約五分鐘後有位,宣姨同老公入去嘅時候手拖住手,讀者黎小姐話﹕「好耐冇喺螢光幕見到黎宣喇,以前都見過佢哋好恩愛咁拖手行街,好羨慕。黎宣同老公都行得好慢,一邊拖住手,另一邊就由朋友扶住嚟行,好小心。」黎宣經常演媽媽同婆婆嘅角色,最經典可以話係早前重播92年嘅劇集《大時代》,宣姨飾演丁蟹媽媽「賤婆婆」,對住蠻不講理嘅衰仔丁蟹,賤婆婆七情上面好激心,絕對係好戲之人!

85歲黎宣同老公幾時都係咁恩愛。(讀者黎小姐提供圖片) 一路等一路手拖手(讀者黎小姐提供圖片) (讀者黎小姐提供圖片)
企得耐有啲腳攰(讀者黎小姐提供圖片) 行得比較慢(讀者黎小姐提供圖片) (讀者黎小姐提供圖片)
宣姨同老公食糖水,個樣都好精神。(讀者黎小姐提供圖片)

來源 source: http://s.nextmedia.com
鍾意就快D Share啦!