掃呢頁CODE去手機

2017年5月16日 星期二

靚到不得了!孫慧雪大肚寫真勁夢幻 __,孫慧雪,

雪雪好正呀!正呀喂!有宅男女神孫慧雪嘅靚靚寫真睇呀!不過今次唔係佢水着寫真,而係佢嘅大肚寫真,呢輯相真係靚到不得了,佢仲要摸摸巨肚,母愛出晒嚟,仲好有 ...


雪雪好正呀!

正呀喂!有宅男女神孫慧雪嘅靚靚寫真睇呀!不過今次唔係佢水着寫真,而係佢嘅大肚寫真,呢輯相真係靚到不得了,佢仲要摸摸巨肚,母愛出晒嚟,仲好有仙氣添!

雪雪接受東網訪問時話,呢輯相係簡幗儀(Lilian Kan)影嘅,雪雪仲讚成件事好fancy,而且衫同場地都係Lilian準備,真係勁有心!雪雪話:「之前諗過大肚時,就會搵Lilian影,呢排好多人話,佗到26周會好辛苦,但我就唔係好辛苦,真係好感恩,係條腰痛囉,BB係大Size,預產期係8月,依家好畀心機去睇資料,等生時冇咁緊張!仲諗緊上唔上生分娩球班,啲人話生嘅時候度數易開啲,易生啲,做足準備!」

雪雪又話影呢輯相時心情好得意,因為未試過大住肚擺pose,唔知點樣擺,但好彩攝影師教點擺pose!而當日好姊妹劉佩玥都有去幫手,雪雪仲話好感動添!問雪雪睇番啲相有咩感覺?雪雪話:「自己睇覺得好肥嘟嘟,不過都好開心,好得意,Lilian啲嘢好夢幻,真係好多謝佢呀!」


來源 source: http://hk.on.cc
鍾意就快D Share啦!