掃呢頁CODE去手機

2017年5月30日 星期二

冬瓜咁大!孫慧雪晒巨肚:唔係孖胎呀 __,孫慧雪,

真係好大呀!「宅男女神」孫慧雪雖然依家就暫時停工,專心佗B,不過佢不時都會喺社交網分享懷孕點滴,畀網友都知佢嘅動向。而唔經唔覺雪雪已經佗B8個幾月,佢 ...


真係好大呀!

「宅男女神」孫慧雪雖然依家就暫時停工,專心佗B,不過佢不時都會喺社交網分享懷孕點滴,畀網友都知佢嘅動向。而唔經唔覺雪雪已經佗B 8個幾月,佢今日仲喺社交平台晒出一張巨肚相,並留言:「而(依)家個肚好似大冬瓜,但其實我仲有2個幾月先生得,我要回答多次,唔係孖胎呀!因為出親街大家都咁問我仲勸我,咁大個肚,不如開刀唔好順產,話一定辛苦死我!唔⋯過多一排,問吓醫生意見先!每次行出街都好多人關心我,多謝大家❤#曬(晒)肚肚 #雪子媽媽的快樂孕記。」

嘩!張相就見到雪雪個肚大得勁誇張,真係好似冬瓜咁大,唔知以為已經生得呀!難怪唔少網友都留言問佢係咪佗孖胎,不過其實早前雪雪已經講過BB係大Size,今次佢亦再次強調絕對唔係孖胎,網友都紛紛叫腹大便便嘅雪雪要小心,唔好周圍走喇!


來源 source: http://hk.on.cc
鍾意就快D Share啦!