文恩澄話佢當年欠下巨債患上抑鬱。
歌手文恩澄（Rannes）不但與有「宇宙G.E.M.」之稱的鄧紫棋撞樣，更同為2008年出道的新人，但Rannes不但沒有紅遍大中華，更欠下巨債，患上抑鬱，她說：「坦白講，我做藝人時真係0收入，但都要錢生活，結果問公司同銀行借，高峰期合共欠落40萬（港元）債，要捱麵包，唔敢出街，冇嘢做就喊，好無助，有兩年抑鬱，試過上網同打去電台搵唔識嘅人傾偈，睇過心理輔導，話我太執着，後尾自知要振作，但唔知可以做乜，機緣下研究拍片放上網，後尾有人搵做Job，邊做邊儲經驗，前兩年起有大公司搵我合作，還清晒啲債，仲支持到唔錯嘅生活，早排返美國探阿媽，又去日本、台灣旅行，唔係話搵到好多錢，係開心搵到自己興趣！」
點解鄧紫棋咁紅？
Rannes與不少出道初期要問公司借錢的新人一樣，但不同的是她與「宇宙G.E.M.」鄧紫棋撞樣，她坦言有葡萄過G.E.M.，她說：「佢同我同年出道，話冇葡萄佢，假嘅！點解佢咁紅，我唔得？但呢種心態只維持好短時間，現實啲睇，佢真係唱得好，得意又靚女，有好公司同經理人幫佢，佢由細到大音樂都好叻，佢13歲我哋已經參加歌唱比賽識，佢當年冇咁勁，我入到Final，佢冇，但佢進步好快，所以冇得比、冇得羨幕，依家我唔敢同佢比。（想喺導演工作上吐氣揚眉？）我係有做長片導演嘅目標，但仲要慢慢學，叫過導演朋友畀我做助導學嘢，佢哋話我係藝人，拒絕咗，我希望先拍喜劇，摸熟咗，再拍人性黑暗面嘅題材，圓自己嘅導演夢！」
場地：Mass 2
髮型：Patrick Chan @ HH Hair
服裝：BLIND BY JW
來源 source: http://hk.on.cc
|
鍾意就快D Share啦！
|
|
|
