網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年5月28日 星期日

【與銀行高層離婚】前玉女歌手黎明詩認戀同性密友:老公都知 __,黎明詩,黎明,

90年代歌手出身的黎明詩,今日同譚順生喺銅鑼灣hmv為「中國新歌聲第二季香港站終極複賽」擔任評判。近日經常喺馬場亮相嘅黎明詩,最近被周刊報道跟一名同性 ...


90年代歌手出身的黎明詩,今日同譚順生喺銅鑼灣hmv為「中國新歌聲第二季香港站終極複賽」擔任評判。近日經常喺馬場亮相嘅黎明詩,最近被周刊報道跟一名同性蜜友Kelly同居,黎明詩接受訪問時大方承認出櫃,但否認同居。黎明詩表示今日係應邀擔任評判,近排朋友有馬出賽,所以多咗喺馬場撞見記者。喺舊年10月,有周刊報道指黎明詩同同性友人Kelly嘅蜜運(新聞連結: http://bit.ly/2qT1LED ),當時仲起過Kelly底,話佢係《沒女》Queenie Chan嘅拍檔,不過,當時黎明詩未有回應。到今日,再問及二人戀情時,同係咪對方追佢等,黎明詩笑住回應話:「我哋喺由朋友開始,傾吓傾吓就一齊,你明啦……啱啱同Kelly開始咗,我啲朋友、老公都知,我生活得好開心同健康,已經去到另一階段。我接受同性戀,身邊好多朋友都係,接受就得嘞。」黎明詩笑言報道中有部份啱,亦有部份資料錯誤,例如佢同Kelly唔係幾年前認識。被問到同Kelly係咪有結婚打算時,黎明詩話:「同佢啱啱開始,好夾,結婚未知㗎,對上一段婚姻陰影都有影響。起初同Kelly係諗住有個伴,同老公現階段分居辦緊離婚手續。」黎明詩講到女伴Kelly顯得很興高采烈,形容對方係歌迷,經常會聽自己啲舊歌:「我成日問佢有冇咁好聽呀?佢都支持我復出,同埋大家夾可能都係喺英國讀過書。」黎明詩表示Kelly係首位同性蜜友。講到早年離開娛樂圈後,從事過保險業,之後返到英國幫手打理家族生意,稍後會同友人合作搞健康產品生意,佢自言有興趣復出,因為仍然好鍾意唱歌,o依家不時都會去唱K。不過暫時面對鏡頭仍不太習慣,要時間適應,而佢間唔中都會會同圈中人阮兆祥、上山詩鈉及梅小惠見面。再問到黎明詩係咪同Kelly同居?佢話:「我哋分開住,係鄰居,唔係同居。」

(攝影:黃曉妍) 黎明詩講到女伴Kelly顯得很興高采烈
黎明詩同老公現階段分居辦緊離婚手續

來源 source: http://s.nextmedia.com
鍾意就快D Share啦!