2017年5月5日 星期五

名人:憤怒鳥!徐綺雯西貢開餐一肚氣 __,徐綺雯,

唔好嬲啦!模特兒徐綺雯一家人喺西貢食飯時發生不快事,最後需要報警求助,幸好最終有驚無險,佢透過社交網講述事件經過。東網即刻聯絡佢,佢話:「今晚食完飯, ...


唔好嬲模特兒徐綺雯一家人喺西貢食飯時發生不快事,最後需要報警求助,幸好最終有驚無險,佢透過社交網講述事件經過。東網即刻聯絡佢,佢話:「今晚食完飯, ...


唔好嬲

模特兒徐綺雯一家人喺西貢食飯時發生不快事,最後需要報警求助,幸好最終有驚無險,佢透過社交網講述事件經過。

東網即刻聯絡佢,佢話:「今晚食完飯,我架車泊咗咪錶位,出嚟攞車嘅時候,嗰架車就阻住我,咁我就響喇叭,原來係泊車人員,跟住佢駛開架車之後,我就轉出嚟!佢就叫我停車問我係咪整花佢架車,跟住我就停咗架車,落車問佢你要唔要報警?跟住佢就好大聲咁樣講:我依家問吓啫!然之後我就話有的士司機做證,我的車身又冇花,咁你依家想點?跟住佢見到我車,人好多,因為我爹哋、爹哋有個朋友、我老公、仲有BB同我!佢話你依家係咪人多蝦人少?我話我依家好驚唔敢開架車!跟住佢就話唔識揸車唔好揸!總之就嘈咗一陣!」

之後徐綺雯就話不如報警:「之後我就上咗車閂窗,跟住唔知邊度嚟咗10幾人有男有女,圍住我架車唔畀我走!所以我就叫老公即刻報警!但係點知老公話打完999之後有一段留言廣東話請按一!佢哋見到我哋打電話就散開咗所以費事嘥時間亦都冇報警!但係好嬲覺得好野蠻!無啦啦好似想攞錢咁!因為我爹哋個朋友係台灣人一心諗住帶佢去西貢食海鮮,依家影響香港嘅形象,覺得好唔應該!」佢又話好彩喺香港所以唔驚,因為香港係法治之區。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...