2017年5月5日 星期五

狄龍再抱孫!新抱有喜成功追仔 __,狄龍,

恭喜晒!影壇紅星狄龍的獨生子譚俊彥(Shaun)於2015年榮升爸爸,囡囡現已一歲半,日前被東網直擊他帶太太及囡囡相約父母狄龍及陶敏明飲茶,驚見Sha ...


恭喜晒!

影壇紅星狄龍的獨生子譚俊彥(Shaun)於2015年榮升爸爸,囡囡現已一歲半,日前被東網直擊他帶太太及囡囡相約父母狄龍及陶敏明飲茶,驚見Shaun太太腹大便便,目測懷孕約五個月,而且肚尖疑似佗仔。雖然狄龍將再度做爺爺,但緊張大師上身的他,不斷哦Shaun要好好照顧太太,對方低頭密密聽,又搭爸爸膊頭示意叫他放心,見狄龍不時冧笑,顯然對再度抱孫表現興奮。

對孫女冇大細超

雖然狄龍將再抱孫,但他沒厚此薄彼,仍舊疼錫孫女,食飯時孫女扭計即帶對方行街,撞到影迷時又大方談湊孫經。一家人飲茶後轉戰玩具店,狄龍全程抱實孫女,又讓對方任揀玩具。而陶敏明則與囝囝及新抱睇BB衫,見Shaun手執連身衫仔,與太太左揀右揀,最後揀幾件B仔款的連身衫後埋單走人。

為對鞋哦半粒鐘

記者事後致電Shaun,他親證太太再度懷孕佗仔,三年抱兩湊夠「好」字。他說:「其實今次係意外。(狄龍好開心?)梗係開心啦,話就話仔女都冇所謂,但佢哋一早去還神。」他又透露太太預產期在九月,但未能停工陪對方坐月。至於被爸爸哦爆,他說:「佢成日哦我㗎早幾日我拍《天命》着古裝襯對似波鞋嘅鞋,佢打嚟鬧咗我半個鐘話我唔專業。其實係個款似波鞋啫。」他又指狄龍現時弄孫為樂,只要他開工狄龍就負責湊孫女,相信爸爸將來湊兩個孫都應付得到。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...