2017年5月30日 星期二

莊思敏結業止蝕 郭少芸:搞生意風險大 __,郭少芸,莊思敏,

郭少芸
莊思敏結業止蝕郭少芸:搞生意風險大講到筱靖經營的餐廳懷疑發生帳務問題,曾經開食肆的藝人郭少芸認為現在經營環境困難,租金貴、食材貴、人手亦供不應求,無論 ...


莊思敏結業止蝕 郭少芸:搞生意風險大

講到筱靖經營的餐廳懷疑發生帳務問題,曾經開食肆的藝人郭少芸認為現在經營環境困難,租金貴、食材貴、人手亦供不應求,無論藝人或是普通人開食肆都一樣難做,她說:「以前係同屋企人一齊做,所以唔會有隔夜仇,熟朋友就唔好一齊做生意,唔值得因為生意冇咗個朋友,當然要認清楚邊啲係朋友。(自己做生意好啲?)自己做其實都好難,因為做生意要好多元素,資金、技能,有人一齊做係開心啲,同埋自己對做生意都要有一定認識,起碼都要識得睇盤數。(會否再開食肆?)暫時唔會,個經營環境真係好困難,付出同收穫唔成正比,要冒好大風險。」

至於曾多次投資生意的名模莊思敏也試過蝕錢收場,她表示多年前與兩位朋友開設化妝學校,但同樣疑因帳務問題而在短短一年間蝕百多萬,最後結業止蝕:「經過上次教訓,我覺得揀生意拍檔好重要,未必係同朋友一齊做生意就最好,因為好多時會夾雜咗私人感情,會依賴咗對方,所以依家做生意就會乜都講清楚。(上次失敗主因係咩?)因為我太依賴對方,太信個朋友,以為佢會睇住盤生意。」

莊思敏
  • 莊思敏

鍾意就快D Share啦!
Related Posts Plugin for WordPress, Blogger...