2017年5月25日 星期四

姊妹緣盡!區文詩決定唔做「和事婆」 __,區文詩,

區文詩坦言唔會做「和事婆」:「做朋友係需要有緣分。」藝人區文詩(Angela)到中環出席活動,提及前Cookies隊友吳雨霏(Kary)與楊愛瑾(Mi ...


區文詩坦言唔會做「和事婆」:「做朋友係需要有緣分。」

藝人區文詩(Angela)到中環出席活動,提及前Cookies隊友吳雨霏(Kary)與楊愛瑾(Miki)不和,問做和事婆情況如何?Angela似是有備而來地說:「依家唔興做和事婆(有冇幫佢哋?)幾個都大個女啦…自己識處理。(兩姊妹決裂?)個個都係我朋友,學Kary咁話,朋友係需要有緣分。」

爆鄧麗欣係阿禪

至於Kary與Miki是否緣盡?Angela坦言沒有考究過。而兩人是否不再是好姊妹?Angela認為做朋友或者情人是很難由外人插手。說到日後生日飯局都要分開和兩人食,她覺得冇所謂。說到鄧麗欣(Stephy)的排球隊,Angela指對方看得很開:「佢係阿『禪』,禪修個禪,好信佛。」

有啲嘢解決唔到

Angela自言害怕做中間人,覺得少講話對整件事有幫助:「加上件事唔開心,唔想有太多猜測令當事人唔開心。(近排有冇見過Kary同Miki?)探過Miki嘅BB,之後到Kary生日會。(你兩頭做人難?)見Miki都可以講湊仔經,見Kary都可以講新事物。」

問十多年姊妹情弄成這樣是否很可惜?她坦言希望自己置身事外,覺得很多事都是緣來緣去:「依家有啲嘢解決唔到,將來可能冇事呢,我知佢哋唔想再提呢件事。」

----------------------------------------------

東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/ 

如仍未更新東網App,請按此連結收睇360影片:

https://goo.gl/4rzLV4


來源 source: http://hk.on.cc
鍾意就快D Share啦!
Related Posts Plugin for WordPress, Blogger...