2017年5月20日 星期六

與洪永城互相支持唐詩詠兩度眼濕濕 __,詩詠,洪永城,唐詩詠,

唐詩詠
與洪永城互相支持唐詩詠兩度眼濕濕藝人唐詩詠及洪永城日前宣布分手,隨即傳聞滿天飛。昨日詩詠到尖沙咀出席「VolkswagenGolf系列新車發布會」,穿 ...


與洪永城互相支持唐詩詠兩度眼濕濕

藝人唐詩詠及洪永城日前宣布分手,隨即傳聞滿天飛。昨日詩詠到尖沙咀出席「Volkswagen Golf系列新車發布會」,穿桃紅色Tube Dress的她大騷香肩,在台上強擠笑容,但眼腫腫難掩憔悴,不過她仍有應要求以台妹嗲功冧司儀陳智燊,表現專業。詩詠受訪時比之前冷靜,但提到獲朋友支持,眼淺的她兩度眼濕濕,對於被指樣子似乎很攰,她說:「呢幾日開劇啫!好多謝好多朋友畀鼓勵訊息畀我,感受到溫暖。(你眼咁腫,有喊?)水腫呀!我已經好努力跑步。(洪永城話心痛你?)有睇到,呢幾日都feel到好多溫暖,在心中。(心情未平復?)平復咗喇!(佢咁支持你,有機會再坐低傾吓?)暫時唔講呢樣,我好多謝佢,知道佢都承受咗好多壓力,互相支持大家,在心中。」

對於有指洪永城跟蔡思貝關係親密導致兩人分手,詩詠拒絕多談:「我哋分別已經喺網上講咗要講嘅嘢,我唔會再講。(有人話你聽到蔡思貝個名就掉頭走?)當日落雨呀!(見到佢都冇嘢?)係」對於分手牽涉不少人,詩詠表示感到不好意思,問周焯華手下盧啟邦是否追她?她說:「呢個唔講喇!要講都講晒,希望告一段落,每個人都有新開始。」

唐詩詠在台上強擠笑容,但受訪時難忍眼濕濕。
  • 唐詩詠在台上強擠笑容,但受訪時難忍眼濕濕。

鍾意就快D Share啦!
Related Posts Plugin for WordPress, Blogger...