掃呢頁CODE去手機

2017年5月13日 星期六

【女版奧尼爾】陳嘉佳主打犯規戰術 __,陳嘉佳,細細粒,

陳嘉佳似足女版奧尼爾。藝人陳嘉佳(細細粒)在灣仔《Panasonic學界籃球邀請賽2017》上陣挑戰名人表演賽,細細粒上場後頻頻追住個波跑似足「女版奧 ...


陳嘉佳似足女版奧尼爾。

藝人陳嘉佳(細細粒)在灣仔《Panasonic學界籃球邀請賽2017》上陣挑戰名人表演賽,細細粒上場後頻頻追住個波跑似足「女版奧尼爾」,她笑言主打「犯規戰術」,最終成功掂到個波獲主場歡呼打氣!講到今次參賽,細細粒說:「第一次上場打籃球,似跑圈多啲,都好有挫敗感,幾乎冇掂過波,去到休息嗰陣以為公司同事會鼓勵吓我,結果畀人笑我似企鵝!今次我主打犯規戰術,好狼死咁推開班男藝員。(摸仔都唔摸波?)都冇摸到喎,個個都超音速避開,搞到我要不停咁追,加加埋埋跑咗十分鐘,幾年嚟都冇試過!」細細粒賽後頻頻稱「寶寶餓了」,完場即時到場邊食包補充體力。

對於隊友林盛斌(Bob)指細細粒「阻住晒」,她反擊說:「我又唔覺佢有幾勁喎,有幾球冇啦啦喺我面前飄過,我都差啲摸到個波,下次真係打波佢喺對面好啲,咁我可以主力攔住佢唔使擔心個波!(有冇偷望籃球猛男?)我都專心打波㗎,冇乜望仔,自己都唔好運動男,因為自己唔鍾意出汗,另一半都唔好!」

---------------------

東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片: https://goo.gl/v2FQs5


來源 source: http://hk.on.cc
鍾意就快D Share啦!