2017年5月25日 星期四

【獨家】秘密返港現身圓方 梁洛施撇低囝囝低調買包醫肚 __,梁洛施,

喺2009年6月爆出為城中超級筍盤李澤楷秘密生咗囝囝長治嘅梁洛施(Isabella),雖然佢喺2010年再為李澤楷生咗一對孖仔,不過呢段感情最終都唔可 ...


喺2009年6月爆出為城中超級筍盤李澤楷秘密生咗囝囝長治嘅梁洛施(Isabella),雖然佢喺2010年再為李澤楷生咗一對孖仔,不過呢段感情最終都唔可以開花結果,佢哋喺2011年宣佈分手,嗰陣有傳男方除咗將名下部份物業、現金同房車送俾梁洛施之外,每個月仲會俾贍養費,而梁洛施就專心照顧三個囝囝。(新聞連結:http://bit.ly/2qfir5H)最近李澤楷被揭同港姐郭嘉文拍拖,試過有《蘋果》讀者喺中環見到李澤楷做柴可夫,揸186萬戰車,等女友郭嘉文(新聞連結: http://bit.ly/2oqVbjH ),相當恩愛!跟住仲有周刊話因為爺爺李嘉誠下令一年要見孫仔兩次,所以梁洛施會帶3個囝囝每半年返嚟香港一次,同時仲話雖然李澤楷工作忙,不過定時都有去加國睇啲囝囝,唔想佢哋被打擾。(新聞連結:http://bit.ly/2qOJ4RF)噚日有讀者程小姐透過《蘋果》嘅「爆相爆片」分享佢喺圓方見到梁洛施一個人喺度買外賣,仲當時梁洛施身邊見唔到佢嗰3個囝囝,亦唔見有任何保鑣,只係得佢一個人,著住一件卡其色嘅乾濕褸、黑色褸,戴住口罩兼孭住一個藍色Longchamp袋,程小姐仲話:「嗰陣大約係1點40分左右,因為係食lunch時間,所以商場好多人,我見到梁洛施先去Pret A Manger,跟住再去Cedele買外賣,唔知係咪好多人都認得佢,所以佢全程都好急急腳咁搵嘢食,之後見佢行得好快咁離開!」其實近年梁洛施湊仔之餘,亦曾經復出拍戲兼做舞台劇,佢喺15年亦曾經講過已經成立自己嘅工作室,希望拍輕鬆嘅愛情電影,不過好快就繼續佢神隱嘅生活,唔知佢今次現身香港,同工作又有冇關係呢?

梁洛施俾讀者直擊現身香港! 梁洛施戴住口罩去買外賣!(讀者提供圖片) 讀者話當時有唔少人見到梁洛施,所以佢買完急步走人!(讀者提供圖片)
梁洛施經常同三個囝囝走圍去!(資料圖片) 梁洛施家庭同工作兩兼顧!(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...