2017年5月26日 星期五

【樂視不行了】冇錢畀衛星訊號 無綫「執死雞」播英足盃 __,無綫,樂視,

【新增動新聞】【新增內容】無綫電視今晚宣佈取得《英格蘭足總盃決賽》阿仙奴對車路士之香港區播映權,安排周六(27日)深夜12時05分於翡翠台直播,讓全港 ...


【新增動新聞】

【新增內容】無綫電視今晚宣佈取得《英格蘭足總盃決賽》阿仙奴對車路士之香港區播映權,安排周六(27日)深夜12時05分於翡翠台直播,讓全港球迷免費觀看。至於同日德國盃決賽,法蘭克福對多蒙特,翡翠台亦緊接於深夜2時30分轉播。樂視財困問題持續,就連香港業務都受影響,嚟緊周六深夜舉行嘅英格蘭足總盃決賽車路士對阿仙奴,佢哋就以節目調整宣佈香港冇得直播,受影響嘅客戶會送多三個月月費作補償。《蘋果》收到風,今次英足盃決賽停播,主要係因為樂視畀唔到衛星訊號嘅費用,反而轉播費一早已經畀咗賽會,只不過係有版權但冇訊號返咁解。樂視財困已經唔係今日嘅事,佢哋樂視北京已經炒咗大部份嘅體育員工,國內兩輪意甲直播都要爛尾,留底嘅都係樂視電影嗰邊嘅人,因為電影仲有收入,體育就只有支出。香港樂視上個月都有部份員工被拖糧,但限期前都出到。樂視嚟緊幾個星期會係關鍵,最壞打算就係樂視點都保住下季英超直播,而今季就嚟完嘅NBA,因為已經畀晒有關費用,所以直播唔會有影響。其他嘅好似舉行緊嘅世青盃、以及暑假先打嘅洲際國家盃,到時有冇直播就有好多變數嘞。仲有,樂視雖然攞咗2018世界盃香港獨家直播權,但佢哋最近兩次新聞發佈會,都要延遲再延遲,前景係點真係冇人知。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...