掃呢頁CODE去手機

2017年5月7日 星期日

眼前一黑靠張繼聰扶住 歐陽震華外景暴曬中暑暈低 __,繼聰,歐陽震華,歐陽震華,張繼聰,

頂硬上<br>昨午暈倒的Bobby返家休息後,晚上如常拍廠景。
眼前一黑靠張繼聰扶住歐陽震華外景暴曬中暑暈低昨日開工的歐陽震華(Bobby)因炎熱高溫致中暑暈倒,幸張繼聰和邵美琪及時扶住才不致倒地,情況非常牙煙!在 ...


眼前一黑靠張繼聰扶住 歐陽震華外景暴曬中暑暈低

昨日開工的歐陽震華(Bobby)因炎熱高溫致中暑暈倒,幸張繼聰和邵美琪及時扶住才不致倒地,情況非常牙煙!在醫療室甦醒的Bobby隨後返家休息,對於身體情況令人關注,敬業樂業的他說:「頂硬上」而他晚上亦重返電視城拍廠景,並指已無大礙,但不敢通知老婆:「費事嚇親佢!」

無綫福將歐陽震華昨午在將軍澳電視廣播城為無綫重頭劇《誇世代》拍攝外景時,因在烈日下暴曬致中暑暈倒,幸身旁的張繼聰和邵美琪及時扶住突休克的他,才不致仆在地上,否則後果不堪設想!台前幕後立即送Bobby往電視城內的醫療室急救,經散熱及飲水後,他開始恢復知覺,待情況穩定才返家休息,至夜晚再重返電視城為《誇》劇拍廠景。

抬往醫療室

Bobby接受本報電話訪問憶述中暑經過:「中午最曬嘅時候,成30度咁熱,我哋因為連戲,要着住冷衫同毛布恤衫拍外景,暴曬下又散唔到熱,所以眼前一黑暈低,好彩當時身旁有張繼聰、邵美琪扶住我,即刻抬我去醫療室,好近咋,就喺外景場地隔籬!」Bobby今次中暑,其身體狀況惹起關注,但專業的他說:「仲要連戲,頂硬上我都想同觀眾講,唔好再批評啲演員拍古裝戲乜乜唔好,今次我連時裝戲都中暑,何況拍古裝要黐頭套仲慘,要體諒藝人嘅辛酸!(唔使入醫院檢查?)我都知道中暑可大可小,其實我喺醫療室休息後都冇乜嘢,唔使入醫院,中間我有一場戲都取消咗,依家返屋企抖吓,今晚可以再開工!」

至晚上七時,Bobby再返回電視城,記者見他神色尚可,他說:「冇咩大礙,我拍戲中暑都經常有,返咗屋企沖咗個靚涼,過個冷河好好多。(有冇瞓陣休息?)冇特別休息呀,要睇劇本呀,唔使做咩!」他將今次中暑歸咎於天氣太熱,自己又在冷氣房一出一入,身體不適應所致:「暈嗰時感覺到全身毛孔擴張,突然覺得好凍,行唔到兩步就暈咗。(老婆擔心?)冇同老婆講呀,唔特登講啦,費事嚇親佢。」之後着住乾濕褸兼拎住篋的他繼續開工。

張繼聰近日着晒外套同Bobby拍外景,難怪熱到中暑!
  • 張繼聰近日着晒外套同Bobby拍外景,難怪熱到中暑!
Bobby呻熱天着住戲服外景之苦,慨嘆藝人難做。
  • Bobby呻熱天着住戲服外景之苦,慨嘆藝人難做。
之前與陳嘉寶宣傳《誇》劇的邵美琪(左)有份扶住Bobby。
  • 之前與陳嘉寶宣傳《誇》劇的邵美琪(左)有份扶住Bobby。

面青口唇白

及時扶住Bobby的張繼聰接受電話訪問,指當時見到對方面青口唇白而嚇親:「嘩,咁快收到風?係呀,天氣好熱,啲戲服就係冬季,所以Bobby哥就喺呢個大熱天時中暑,我哋都擔心,見到佢嘴唇白晒,所以都休息咗一陣,個幾鐘左右,之後再拍番餘下嗰啲。大家睇到幕前一秒鐘,其實演員同工作人員都付出好多,好似今次咁,個個都喺度暴曬。」

文:影視組


鍾意就快D Share啦!