2017年5月14日 星期日

【洗米華愛將遇襲】獨家 盧啟邦力追唐詩詠 女方傳曾應約 __,洗米華,周焯華,唐詩詠,

太陽世紀集團(1383)主席周焯華(洗米華)頭號愛將、該集團執行董事盧啟邦(Andrew),凌晨喺北角遭兩名刀手伏擊,司機挺身護主,及時登車逃離現場。 ...


太陽世紀集團(1383)主席周焯華(洗米華)頭號愛將、該集團執行董事盧啟邦(Andrew),凌晨喺北角遭兩名刀手伏擊,司機挺身護主,及時登車逃離現場。盧啟邦嘅司機受輕傷,兩人隨即到醫院求醫及報警。警方現正追緝刀手下落並調查其行兇動機。(新聞連結:http://bit.ly/2qcrjvF )。Andrew今次被伏擊登上港聞版,但原來過往佢都經常成為娛樂版嘅主角,而Andrew最新嘅目標,竟然就係《不懂撒嬌的女人》嘅唐詩詠。最近詩詠BB同男友洪永城感情亮紅燈,咁今日就有知情人士就向《蘋果》透露,話Andrew曾經透過友人相約詩詠BB食飯,而詩詠BB都有應約,但係飯局人數有幾多,知情人士就未有透露喇!講番Andrew嘅新目標《不懂撒嬌》嘅詩詠BB,喺戲度就俾賤Han(黎諾懿)欺騙感情,最後詩詠BB就情歸Saving哥(王浩信),劇情就講到佢可以開花結果,之但係,現實中嘅詩詠BB就好似冇咁順暢喇,早年佢苦戀崔建邦,年屆36歲嘅佢,最近就漏口風又話閃婚、又話想生BB,但另一邊廂又傳佢同男友洪永城嘅感情又屢傳亮紅燈。噚日詩詠BB出席新劇開鏡時,被問到同洪永城嘅感情時,佢就咁答:「感情我哋不嬲都想低調,大家俾啲空間我哋。佢都講咗,我哋之後會再講。」再有記者問佢同洪永城幾耐冇見,身為女友嘅佢竟然要停一停,諗一諗先答話有同對方聯絡,仲話感情問題要認真考慮,先可以回答。(新聞連結:http://bit.ly/2puWOlH )至於Andrew過往嘅緋聞,最爆嘅當然係2013年,佢同前港姐許亦妮傳出緋聞,但當時Andrew已經有正印女友蔡一鳳,當時蔡仲未同盛品儒拍拖。嗰陣許亦妮同Andrew俾傳媒影到、關係曝光,觸動咗正印蔡一鳳。就係咁,Andrew同許亦妮關係見光死。除咗許亦妮、蔡一鳳之外,曾經同Andrew扯上關係嘅女星仲有Jeana(何佩瑜)、文凱玲等。

有指盧啟邦曾搵朋友約唐詩詠食飯,女方應約。 (資料圖片) 噚日唐詩詠為《棟仁的時光》試造型。(資料圖片) 當時佢講到同洪永城嘅戀事,佢就話想低調。
唐詩詠喺《不懂撒嬌的女人》入面,同王浩信有一段情。 盧啟邦(資料圖片) 許亦妮被踢爆介入盧啟邦同蔡一鳳嘅戀情後,戀事就見光死。(資料圖片)
盧啟邦曾與蔡一鳳拍拖。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...