2017年5月11日 星期四

【避緋聞避到北京】戰友自殺亡 陳曉東劃火柴:我係咪應該出多啲力,令佢冇咁大壓力? __,陳曉東,陳曉,

現年41歲的陳曉東,已是兩女之父,搣甩昔日唇紅齒白的O靚仔形象,多了一份「熟男」味,而他每次提起太太王妤嫻及二個女兒「朵朵」及「多多」,陳曉東嘴角都會 ...


現年41歲的陳曉東,已是兩女之父,搣甩昔日唇紅齒白的O靚仔形象,多了一份「熟男」味,而他每次提起太太王妤嫻及二個女兒「朵朵」及「多多」,陳曉東嘴角都會泛起甜到漏的笑容,一臉幸福。問他是否認識太太王妤嫻即修心養性?陳曉東即大讚老婆是個好好的人,不但有修養,亦很懂得為人設想,影響他很多。95年出道的陳曉東,事業、愛情路同樣走過不少崎嶇路,尤其當年與恩師戴思聰因合約問題反目、經理人梁少英(Rebecca)自殺過身,令陳曉東承受不少壓力,幸轉戰大陸,從高峰滑落的事業重新洗牌,憑劇集再次爆紅的他,最終選擇定居北京,享受台下家庭樂!日前,陳曉東返港接受《蘋果》專訪,首度談及17年前經理人Rebecca忽然離世,直言那是他生命中一個好傷心的回憶。陳曉東瞪大眼說:「我記得嗰日我瞓喺床,公司打電話嚟,我即刻彈起咗,噚日先同佢傾緊嘢,點解會咁?」縱使明白人生沒「如果」,但陳曉東仍然希望幻想可成真:「我有時會諗,如果有得返轉頭,有多啲時間,我係咪應該出多啲力,令佢(Rebecca)無咁大壓力,有去反省,真係好sad!」陳曉東是相對較早北上賺「人仔」的藝人,08年開始定居北京的他,回想當年好像與甚麼女藝人合作都會傳緋聞,新聞更是「鑊鑊新鮮鑊鑊金」,故決定去北京唞唞氣,也沒想過自己會在當地留下來生活。陳曉東年初返港拍護髮產品廣告,早前又上大台節目獻唱昔日金曲,問東東是否很掛念香港?他即自爆:「我已經入咗紙申請紅館開騷喇!」更續謂:「紅館批嚟批去都唔批,我就嚟要叫我啲fans請願㗎快啲批俾我玩吓」除希望踏上紅館舞台開個唱,陳曉東又說「恨」拍港產片。他表示:「今次返嚟(香港)都有人邀約,但我唔想演偶像劇……雖然我相信都唔會揾我演……我想演一啲反差大嘅角色,想有動作,想演警察。」他又笑說,早前見到梁詠琪(GiGi),大家都說可再拍《初戀無限Touch》續集,當年有份拍的Wyman(黃偉文)更笑說可以叫《初戀無限Keep in Touch》。採訪:四寶

攝錄:馮峰、Neo

攝影:沈健程

場地提供:中環迷你酒店

陳曉東當年承受不少壓力,到北京生活令他得以舒緩。 陳曉東坦言想拍港產片,亦有想過拍《初戀無限Touch》續集。
陳曉東現為兩女之父,多了一份「熟男」味。 陳曉東很掛念香港歌迷,故已入紙申請紅館開騷,惜暫未獲批准。
笑言當年的緋聞「鑊鑊新鮮鑊鑊甘」。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...