網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年5月19日 星期五

【大姐明幫我剪腳甲】半身麻痺不能動彈 鍾慧冰:覺得自己累人累物 __,鍾慧冰,

陳志雲、王喜及葉童今日去到荃灣奇妙電視,為鍾慧冰主持嘅節目《娛樂巴巴閉》錄影。鍾慧冰去年尾患血管炎,被細菌侵襲神經線,令到佢啲關節出現問題,嚴重到需要 ...


陳志雲、王喜及葉童今日去到荃灣奇妙電視,為鍾慧冰主持嘅節目《娛樂巴巴閉》錄影。鍾慧冰去年尾患血管炎,被細菌侵襲神經線,令到佢啲關節出現問題,嚴重到需要卧牀,半身麻痺不能動彈,回想當時面臨死亡狀況,鍾慧冰不禁落淚。冰姐話:「o依家回復番8成,腳郁得,係驚跌要揸拐杖,手指拉唔到拉鏈、攞唔到筷子同簽唔到名,要做物理治療,出事到o依家食咗4個月類固醇,發炎指數低咗,初時右手右腳郁唔到,自己以為中風,原來係血管炎,同魯芬嗰種一樣,嚴重可致死,我擔心食類固醇會副作用骨枯,但醫生問我係唔係想癱,血管炎會令免疫力低,引致併發症。」鍾慧冰話過去數月睇過數十個醫生,得悉自己可能年輕積壓太多壓力,出街受風邪入侵,容易引發病情。自患病以來,冰姐話得到身邊嘅好友關心,好似林建明(大姐明)更到醫院幫佢剪手腳甲,講到呢度,冰姐即刻忍唔住抽泣:「我全身冇力,手指都黑晒,以為自己會死,佢幫我剪手指同腳指甲,自己乜都做唔到,做人仲有咩意思,到我廁所都去唔到,我就唔想做人,朋友真係好緊要。我個女驚到不得了,佢20歲溫室長大 突然見阿媽入院幾次樓梯都行唔到,佢好震驚,我反過來要安慰佢。」對於有指佢曾有輕生念頭,冰姐解釋:「覺得自己累人累物,個女20歲要照顧我,唔想阻佢發達,我一個廢人瞓喺度好冇尊嚴,自己爬到起身仲可以自殺,遲啲唔通碌落樓梯咩。」康復中嘅冰姐,開始懂得排走負面情緒,又建議病患者多給自己正能量,佢話:「要珍惜自己身體,懂得安慰同鼓勵自己,好似重新做人咁。」

鍾慧冰講起病情忍唔住喊。 攝影:陳順禎
陳志雲同王喜今日到荃灣為鍾慧冰主持嘅節目《娛樂巴巴閉》錄影。 陳志雲 陳志雲同張學潤
葉童 王喜

來源 source: http://s.nextmedia.com
鍾意就快D Share啦!