2017年5月18日 星期四

詩詠崩潰爆喊 洪永城認傷心心痛 __,詩詠,洪永城,唐詩詠,

洪永城話心痛呀!藝人洪永城(Tony)及唐詩詠日前宣布年初已經分手,當中被指另結新歡的詩詠其後於拍劇時聲淚俱下地否認,又崩潰地表示自己並非貪錢之人。事 ...


洪永城話心痛呀!

藝人洪永城(Tony)及唐詩詠日前宣布年初已經分手,當中被指另結新歡的詩詠其後於拍劇時聲淚俱下地否認,又崩潰地表示自己並非貪錢之人。事後,Tony於網上發文為前女友詩詠護航,又心疼表示希望大家不要再傷害詩詠。而正與Tony合作拍攝無綫劇集《大帥哥》的蔡思貝被指介入「詩城戀」,其後蔡思貝及Tony均回覆東網,齊齊否認傳聞。

Tony於今日約下午六時許現身將軍澳電視城拍劇,一臉疲態抵達化妝間的他表示拍劇拍到清晨7點:「好多嘢處理,其實要回應嘅尋日都回應咗。」問到蔡思貝被指是他與詩詠之間的第三者?Tony說:「無謂同唔係事實嘅嘢唔想回應喇,唔想講。我同思貝係同事、朋友。想呢件事盡快完結,唔想牽涉到其他人入嚟。」

講到詩詠爆喊表示自己唔係貪錢女人,Tony直言對此感到傷心,又言一直與詩詠保持溝通:「傷心,都好痛,希望用文字去支持佢。(有聯絡?)有,傳短訊,(有回覆?)有,佢講多謝,呢啲基本嘅溝通。(同思貝講不好意思?)會呀,拖埋佢落水。(藉傳短訊同詩詠打開溝通?)溝通其實一直都有,見大家(傳媒)之前有共識,有夾過。希望影響最低,夾一夾避免大家有咩猜測。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...