掃呢頁CODE去手機

2017年5月5日 星期五

【你又會點揀?】每個男人心裏面都有一個........黃翠如定係唐詩詠 __,翠如,唐詩詠,黃翠如,

前年因為一張拖手相,唔少港男對洪永城又羨慕又炉忌,只因佢左手拖住「好兄弟」翠如BB,右手拖實正印女友唐詩詠,左右逢源。加上潮文《每個男人心裏面都有1個 ...


前年因為一張拖手相,唔少港男對洪永城又羨慕又炉忌,只因佢左手拖住「好兄弟」翠如BB,右手拖實正印女友唐詩詠,左右逢源。加上潮文《每個男人心裏面都有1個黃翠如》同潮語「有一種女朋友叫唐詩詠」帶動下,令翠如BB同詩詠BB被迫要嚟個正面較量。入行17年嘅唐詩詠,外形清純,宜古直今,可惜唔係演人哋細妹就係人哋閨蜜,等呀等,等到今年都36歲,仍未有機會成為當家花旦,視愛情大於一切嘅唐詩詠,早年同雜食男友崔建邦陷入膠着狀態,面對對方一次又一次背叛不忠,唐詩詠選擇大方原諒,直至15年遇上同樣口花嘅洪永城,唐詩詠終於捨得放棄前度,投入新戀情。如此全情投入、義無反顧一味付出嘅性格,難怪被網民封為最佳女友。相對唐詩詠,今年35歲嘅黃翠如,事業運可謂搖搖領先,12年由有線轉投無綫後,喺處女作《心路GPS》已經擔正做女二,儘管坊間批評演技幼嫩,但到13年《師父·明白了》中更擔正做女一,自此成為被捧花旦之一,往後嘅《愛我請留言》、《舌劍上的公堂》都同樣揹重飛做女一,更喺年尾頒奬禮角逐提名最佳女主角。感情方面,黃翠如同洪永城一直份屬多年好友,到12年二人合作主持《走過浮華大地》系列,緋聞進一步升溫,坊間認定二人情侶關係,點知喺14年,翠如BB拍攝《師奶MADAM》時,同蕭正楠撻着,令佢同洪永城嘅「戀情」瞬間冷卻。直到今日,雖然詩詠BB喺事業上仍未超越翠如BB,但二人喺其他方面都各有千秋。家庭背景:

詩詠-出身並非富有家庭嘅詩詠,父親長期喺大陸,得媽媽一個支撐屋企,到詩詠讀中學時,家中已負債纍纍,直至詩詠出身做model賺錢幫補屋企,家庭經濟先得以改善。

翠如-翠如小時候,爸爸由賣魚小販做到地盤工人,打拼多年,終於晉升中產行列,到舊年4月,一直將家事低調處理嘅黃翠如,同男友蕭正楠忽然現身港交所,當日正係黃爸爸主理嘅公司就在港交所「敲鐘」掛牌上市,由於股價暴升,翠如BB更一度成為「19億千金」。緋聞/男友:

詩詠-早喺20歲拍港台青春劇《青春@Y2K》時,唐詩詠嘅初戀就奉獻咗俾同佢一齊拍劇嘅余文樂,之後同崔建邦離合9年情,再情定洪永城,至今仲有一個常伴佢左右嘅契哥馬國明。

翠如-緋聞男友有洪永城,正印男友係蕭正楠。三圍/身高:

詩詠-33B/23/33;5尺4吋(屬嬌滴滴型)

翠如-35C/25/34;5尺7吋(屬高頭大馬型)馬房:

詩詠-曾勵珍馬房(並非最力捧女藝人)

翠如-余詠珊馬房(受力捧女藝人,幾乎套套擔正)獎項:

詩詠-喺2010年TVB年尾頒獎禮中,奪「飛躍進步女藝員」

翠如-喺2013年TVB年尾頒獎禮中,同洪永城憑《走過浮華大地 亞洲篇》一齊奪得最佳節目主持

喺2014年TVB年尾頒獎禮中,奪「飛躍進步女藝員」

有得俾你揀,你又會點揀?(資料圖片) 黃翠如入行以嚟,緋聞唔多,正印就只得蕭正楠一個。(資料圖片) 同洪永城拍拖兩年幾,至今感情穏定。(資料圖片)
就係呢張相,引發詩詠BB同翠如BB一輪較量。(資料圖片) 有指契哥馬國明一直對契妹唔死心。(資料圖片) 同崔建邦拖拉9年先捨得放手。 (資料圖片)
余文樂係唐詠詠初戀男友。(資料圖片) 舊年4月,黃爸爸公司上市,翠如頓變成「19億千金」。(資料圖片) 當日男友蕭正楠都喺現場。(資料圖片)

來源 source: http://s.nextmedia.com
鍾意就快D Share啦!