2017年5月28日 星期日

同老公分居!黎明詩認戀同性密友 __,黎明詩,黎明,

黎明詩話同老公分居緊。現年52歲、淡出幕前多年的歌手黎明詩擔任唱歌比賽的評審,講到她最近被影到出入馬場,她指只是去過一次,去支持朋友,沒想到會被記者認 ...


黎明詩話同老公分居緊。

現年52歲、淡出幕前多年的歌手黎明詩擔任唱歌比賽的評審,講到她最近被影到出入馬場,她指只是去過一次,去支持朋友,沒想到會被記者認出,又謂這次是受大會邀請做評審,之前亦曾幫朋友做過幾次唱歌比賽的評審。問到是否有教唱歌?她說:「冇。(保險?)好耐之前喇,2年就冇做,之後番咗英國打理家族生意,周圍去,冇咩特別嘢做,遲啲可能同朋友搞健康食品嘅生意。」至於可有打算復出幕前?她坦言有興趣:「睇吓有冇機會,我依家面對鏡頭唔太習慣,但我鍾意唱歌。」又指有與阮兆祥、梅小惠等圈中人聯絡。

第一次同同性拍拖

提到有報道指她離婚後搭上TB Kelly,問到兩人關係?她說:「係朋友,暫時生活得開心、健康,去咗另一階段。(接受同性戀?)接受,我有好多朋友都係,最緊要佢哋鍾意。(同Kelly係普通朋友?)好好嘅普通朋友。」有指她與Kelly在朋友圈已公開關係,她坦言:「算係,但未公開咁講,我哋啱啱開始,好夾,相處得好好。(同居?)唔係同居係鄰居。(結婚?)未知喎。(有陰影?)都會有啲,但最緊要有個伴傾得埋,都希望可以再耐咗。(佢追你?)朋友開始。」又指之前未試過與同性交往,Kelly是第一個。

講到與前夫的關係,黎明詩透露:「未正式離婚,分居緊,搞緊啲離婚手續。(佢知你同Kelly關係?)應該知。」問到Kelly可支持她復出?她說:「佢好支持。(你fans?)應該係,大家都喺英國讀書,佢有聽過我啲歌,成日播嚟聽,我都問係咪真係咁好聽。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...