熱爆娛樂: 【小背心未夠喉】唐詩詠三點式濕身誘惑高海寧普通話教《孫子兵法》 _

2017年5月6日星期六

【小背心未夠喉】唐詩詠三點式濕身誘惑高海寧普通話教《孫子兵法》 __,唐詩詠,高海寧,

前日嗰集《不懂撒嬌的女人》有唐詩詠當住王浩信面前換衫，露出一件白色小背心，以為好吸引眼球喇？No la，因為噚日唐詩詠為咗接近大老闆「游生」袁文傑，換咗件三點式泳衣游水。呢一幕睇得出大台好有心思，因為大大隻嘅袁文傑游自由式，唐詩詠就游背泳，點解咁樣？你懂的，因為咁影出嚟效果好啲嘛。至於「Mall姐」宣萱同林文龍兩個仲為公司權力周旋中，點知真正嘅高手原來係高海寧，新入職第二日，已經冧掂宣萱同林文龍兩位上司，一面假意同林文龍食飯，一面就話要幫宣萱打贏呢場辦公室鬥爭。高海寧搶晒鏡嘅原因唔只係得身材，仲識教番宣萱用《孫子兵法》，得意嘅係講到《孫子兵法》，高海寧就要用普通話講對白，唔通咁樣會專業啲？

（電視圖片）	為咗同大老闆袁文傑見面，唐詩詠出動泳裝上陣。（電視圖片）	（電視圖片）
不過最後俾保安趕走。（電視圖片）	至於林文龍同宣萱仲爭緊公司話事權。（電視圖片）	真正嘅高手係佢：高海寧，冧得掂黑面神宣萱。（電視圖片）
又約林文龍食飯。（電視圖片）	呢集仲講到宣萱對老竇劉丹一樣咁絕情。（電視圖片）	（電視圖片）