2017年5月24日 星期三

高海寧岑麗香麥明詩 「出賣」家人賺外快 __,麥明詩,高海寧,岑麗香,

香香(右)與王君馨甜絲絲,風騷嘟嘴。
高海寧岑麗香麥明詩「出賣」家人賺外快昨日無綫出動近百藝人力谷即將推出的全新免費App「bigbigchannel」,藝人可在程式內自由拍片與Fans互 ...


高海寧岑麗香麥明詩 「出賣」家人賺外快

昨日無綫出動近百藝人力谷即將推出的全新免費App 「big big channel」,藝人可在程式內自由拍片與Fans互動,Fans送出的「心心」及「花」將轉化為收入!眾藝人為了吸金各出奇謀,高海寧、麥明詩及岑麗香分別打算「出賣」父親、母親及老公,龔嘉欣則會公開閨房,穿家居服下廚!

無綫昨日在將軍澳電視城舉行big big channel全球體驗發布會,宣布7月23日推出全新免費App程式,並於6月23日開始讓觀眾率先下載,近百位藝人出席力撐!視帝視后如黎耀祥、陳展鵬、陳豪及田蕊妮等企正中間位,其他一線藝人黃翠如、王浩信、袁偉豪、馬國明、李施嬅及朱千雪等亦站在頭排當眼位置,全體藝員齊聲高呼口號:「6.23全球體驗 7.23全球啟動」!

「大明猩」落區造勢

現場播片介紹big big channel,多位藝人化身KOL大談親子及美容題材,並透露會與粉絲打機、唱K及打麻雀等,大會其後安排吉祥物「大明猩」上台跳舞,場面熱鬧!「大明猩」將於6月初落區宣傳,與市民見面。big big channel將傳統電視、社交平台及手機應用程式集一身,猶如開辦一個「新TVB」,藝人會親身分享最新動向及獨家幕後消息,Fans可全天候追蹤偶像及作即時互動,送出的「花」及「心心」等將轉化成藝人的收入。為爭取吸金機會,幾位花旦岑麗香、高海寧、龔嘉欣及麥明詩不惜出賣身邊人及私隱!

big big channel舉行盛大發布會,無綫近百藝人出席,聲勢浩大。
  • big big channel舉行盛大發布會,無綫近百藝人出席,聲勢浩大。
龔嘉欣打算以住家造型下廚,拍片益粉絲!
  • 龔嘉欣打算以住家造型下廚,拍片益粉絲!
為咗吸金,高Ling講明唔介意性感上陣!
  • 為咗吸金,高Ling講明唔介意性感上陣!

自認識食的高Ling表示或會拍飲食片,帶網民「搵食」,亦揚言不介意上載性感相吸點擊:「我諗過可以拍做運動片,分享點樣食好多嘢又有好身形。」並指想透過新平台做首飾生意,更會找父親及弟弟幫忙:「爹哋本身做銀器生意,或者出動佢拍銀器首飾製作過程,我唔識畫畫同設計,要出動埋細佬幫手,諗到之後由細佬畫,再交畀Daddy整!(出賣全家?)唔係出賣,呢個係家族生意!」

麥明詩不排除「出賣」阿媽講育兒心得。
  • 麥明詩不排除「出賣」阿媽講育兒心得。
邵珮詩露膊晒腿,扮靚靚撐場。
  • 邵珮詩露膊晒腿,扮靚靚撐場。
黎耀祥(右)、田蕊妮及馬國明獲安排站在頭排正中位置,備受重視。
  • 黎耀祥(右)、田蕊妮及馬國明獲安排站在頭排正中位置,備受重視。

龔嘉欣搞深夜食堂

至於穿低胸裝騷香肩的人妻岑麗香表示或會教瘦身、Set頭及講多國語言娛樂網民,亦不排除出動「秘密武器」─老公強強:「有諗過搵老公一齊做,佢都有睇開網上啲片,可能會拍片叫佢幫我化妝!」而近期忙於拍攝《誇世代》的麥明詩樣子疲憊兼爆瘡,問到如何在big big channel搶點擊?她表示要出動母親:「可以搵阿媽講育兒,叫佢同陳美齡分享吓教育咁囉!講笑啫!我試過上節目同小朋友研究功課,都畀佢哋考起。(呢個程式透過送花同心心可以賺錢!)咁16歲以下網友唔好買呢啲嘢,第時有錢再畀我」

陳凱琳盛裝上陣,唔知佢打算出咩招吸引粉絲呢?
  • 陳凱琳盛裝上陣,唔知佢打算出咩招吸引粉絲呢?
張寶兒(左起)、馮盈盈及劉穎鏇對「大明猩」愛不釋手。
  • 張寶兒(左起)、馮盈盈及劉穎鏇對「大明猩」愛不釋手。

龔嘉欣則打算在家中拍深宵煮食節目,她不介意私隱曝光,但笑言事前要整理內衣:「唔驚屋企亂,內衣會收好o架嘛!(素顏上鏡?)未諗到咁遠,但會着家居服。」

文:影視組


鍾意就快D Share啦!
Related Posts Plugin for WordPress, Blogger...