2017年5月30日 星期二

【賣身還債?】索妻被貼性感照賣廣告稱「淫__少婦」 吳佩孚扯火:點會咁平呀? __,

堪輿學家吳佩孚今日被《蘋果》讀者張先生爆料,指吳佩孚疑遭人整蠱,太太Miumiu被整「易拉架」,標題以「淫賤少婦」作招徠,上面有兩張吳太嘅性感照,仲寫 ...


堪輿學家吳佩孚今日被《蘋果》讀者張先生爆料,指吳佩孚疑遭人整蠱,太太Miumiu被整「易拉架」,標題以「淫賤少婦」作招徠,上面有兩張吳太嘅性感照,仲寫住願意提供性服務,標明價錢及吳太電話。讀者張先生話﹕「喺尖沙嘴金馬倫中心外面見到,係朋友影俾我。(係咪欠人錢?)咁就唔知,但應該係俾人整蠱」《蘋果》致電吳佩孚了解,他冷靜地謂:「噚日知道呢件事,因為有Facebook朋友Send訊息畀我老婆,話畀佢知有人咁樣惡搞。」可是得罪人?吳佩孚強調:「冇得罪人,亦冇欠人錢,一定要澄清,一睇就知惡搞,要老婆出去賣身還債唔會咁平呀。」問到相中人真係你老婆?吳佩孚承認:「係老婆嘅相,啲人喺FB可以偷,只係生活照,又唔係裸照,因為我fb係公開。」吳佩孚又指,仲爆最近老婆被癡漢騷擾:「我老婆最近有好多癡漢、鹹濕佬喺fb撩佢,又講鹹濕嘢又send性器官圖片,我老婆冇回應冇搭嘴,一直封鎖佢啫,你得罪呢啲人都未定,至於對方係邊個,要等警方調查。」問到兩夫婦有冇感情糾紛?吳佩孚話:「梗係絕對冇,睇我哋fb成日一起,去邊都經常打卡,出雙入對有乜糾紛,我哋04年結婚,感情好好,冇嗌交。」對於老婆被惡搞係淫賤少婦賣淫,吳佩孚話:「梗係有啲唔開心,但都要積極面對,我解釋畀佢聽,依家好多惡搞。」問到有冇收到電話要服務?吳佩孚表示:「有,老實講一睇內容都知黐線嘅,正常人都知惡搞,唔會係真事。我都收到十個八個變態佬打嚟,請問係咪有主家少婦,我話已經報咗警,唔好再打嚟。稍後我會同太太去報警,交畀警方處理。」

吳佩孚太太疑遭人整蠱,被人整「易拉架」招客放街邊。 吳佩孚太太身材都好惹火。(fb圖片) (fb圖片)
(網絡截圖)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...