2017年5月20日 星期六

【獨家】女友心口當枕頭 何猷君搭早機捱眼瞓飛上海 __,猷君,何猷君,

賭王四房孻仔何猷君喺美國麻省理工畢業後搞緊初企,之前佢同生意夥伴一齊乘搭香港航空經濟艙去上海,因為拍檔喺飛機唔見咗護照,猷君通宵瞓機場陪住拍檔向香港航 ...


賭王四房孻仔何猷君喺美國麻省理工畢業後搞緊初企,之前佢同生意夥伴一齊乘搭香港航空經濟艙去上海,因為拍檔喺飛機唔見咗護照,猷君通宵瞓機場陪住拍檔向香港航空求助,直到第二日朝早地勤認得佢係「何鴻燊個仔」先迅速解決事件。事後令猷君喺微博有感而發,竟獲香港航空以輕挑文字「還原」事件,令猷君嬲豬回覆:「不該使用你們的服務。」(新聞連結: http://bit.ly/2nnX0hP )日前就有讀者發現猷君坐言起行,冇再搭香港航空,讀者盧先生透過《蘋果》爆相爆片,話見到佢同女友袁紫僑(CoCo)搭港龍航空早機去上海,繼續「貼地」搭經濟艙。盧先生話猷君同CoCo搭8點早機去上海浦東,見到佢哋兩個喺機艙頭貼頭大覺瞓,一時有起身玩電話,一時又將飛機艙氈由頭冚到落腳。盧生就話:「佢哋一上機食翠華,開始起飛就開始瞓,瞓吓醒吓,之後猷君動作都幾過火,有攬住女友,仲將嗰頭瞓咗喺女友心口。」盧生話認得猷君係上次香港航空事男主角,佢話:「上次印象係佢同生意夥伴出差,今次見佢同女朋友喺機艙咁親熱都估唔到,佢哋後一行坐咗3個細路仔,同埋空姐都有見到佢哋。」睇番啲相,見猷君個樣唔係太精神,盧生話佢有少少唔舒服:「見佢好似有啲鼻水係咁『呻』,隔籬嗰女仔冇乜理佢。」之後到咗浦東機場,佢哋兩嗰齊齊坐接駁巴士,期間見到CoCo有少少嬲爆爆,兩個似耍緊花槍,猷君就不斷攬腰o氹佢,自己孭住嗰電腦袋,又幫CoCo拎住件粉紅外套,對女友真係好服侍,之後就十指緊扣行入大堂過海關。

(讀者盧先生提供圖片) 猷君同CoCo搭早機挨住瞓。(讀者盧先生提供圖片) 可能太光瞓唔到,CoCo用氈由頭冚到落腳。(讀者盧先生提供圖片)
猷君瞓唔到瀡落水友心口。(讀者盧先生提供圖片) 落機,起身撳電話。(讀者盧先生提供圖片) (讀者盧先生提供圖片)
拖住走。(讀者盧先生提供圖片) (讀者盧先生提供圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...